Wikipedia:دؤجئه وانويس/۲۰۱۹/۰۳
ورگ (/vərg/) ىا گۊرگ (اينگيليسي: Wolf ىا Gray Wolf، فارسي: گرگ) کي اۊنه خاکي ورگ ني دخؤنن، ىک‌جۊر سکسؤن ايسه کي کلسيىا آمريکا ؤ اۊراسيىا و شرقي و غربي آفريقا مئنˇ دۊرˇشرؤن ؤ بيىابؤنؤنˇ مئن دره. ای جؤنور خو گود (فاميل)ˇ جی پيلترين ایسه، کلؤن 43 تا 45 کيلۊگرم ؤ ملي‌ئن 36 تا 38 کيلۊگرم.
ورگ، سکه مؤنه و اونˇ رنگ خاکستری، زرد یا قهوه‌ای (سیا مو همره قاطی) ایسسه. تسکه یا جوفت زندگی کؤنه و گاگلف بده ببؤ کی یکته خانواده یا یکته گلله همره زندگی کأ دره. روزˇ مئن شکار کؤنه و مخصوصن سواینˇسر گوسندؤنˇ گللهٰ فترکنه. ورگ، پور خطرناکه و اگه خئلی وؤشتا ببون، آدمأ نی فترکنه. ورگ، بکته دارؤنˇ بون یا لوکؤن (سولاخؤن)ˇ مئن زندگی کؤنه.
ورگ، سۊئدي زوانˇ مئنم دره و دئبارˇ سۊئدي زوان وأرگهئر (vargher)ˇ جي هىته ببؤ ؤ اۊنم دئبارˇ نؤرسˇ زوانˇ ورگر (vargr)ˇ جی بمأ ؤ اۊنم پيشاژرمني زوانˇ وأرگأز (wargaz)ˇ جی هىته ببؤ ؤ اۊنم پيشاهندؤاۊرۊپاىي زوانˇ وئرگ (werg)ˇ جی هنه. ايسلندي زوانˇ مئن نی ورگه vargur گۊنن. دانمارکي ؤ اينگيليسي ؤ باخي اۊرۊپاىي زوانؤنˇ مئن ني ورگˇ رامته' شأنه ىاتن. ورگ، گؤرگان و هيرکاني نؤمؤنˇ مئن ني دره.
اسکانديناوي اؤسطۊره'نˇ مئن، ورگ (vargr ىا warg ىا varg) هۊ فئنرير ؤ اينˇ ريکه'نه (اسکؤل ؤ هاتي) اشاره کؤنه کي ورگ (گۊرگ) ایسن...دۊمباله