Wikipedia:خؤرؤم وانيويس

Wikipedia جي
بوؤز: گردسن، وامج




خؤرؤم وانيويس
ایته تصویر خؤرؤم وانيويس جی
ىکته تؤضيح راجه به تاتاىي
سامؤن
زوان گيلکي
جمعيت ۷ ميلىۊن
دين اسلام



خؤرؤم وانيويس چن ته خصلت دأنه کي اي وانيويسˇ مئن اي خصلتؤنه معرفي کؤنيم تا شمه بۊدؤنين چۊتؤ شأنه ىک جۊر وانيويس نيويشتن کي ويکيپديا استانداردؤن اۊنˇ مئن دبۊن. أولي خصلت اينه کي وانيويس ىکته پيشاشۊ (مقدمه) همرأ سرأىته بنه. اي پيشاشۊ تينه چن رچ بۊبۊن ؤ اۊنˇ مئن وانيويسˇ مأسمک معرفي بنه. دومي خصلت اينه کي وانيويسˇ نؤم أول باري که پيشاشۊ مئن بمأ، خأ پۊررنگ بۊبۊن. اي کاره دۊ جۊر شأنه گۊدن: ىا اينˇ پس ؤ پيش ''' بنين ىا وانيويسˇ نؤمه بنين [[ ]] مئن. دومي حالتˇ مئن، چۊن اۊ کلمه کي [[ ]] مئن دره، هۊ وانيويسˇ نؤمم ايسه، خال (لينک) بؤنˇ جا، پۊررنگ بنه.

أمه پيشنهاد کؤنيم دومي کاره بۊکۊنين! چۊن بازين هر زمت ىک نفر اي وانيويسˇ وؤته کؤپي بۊده ببرده جاىˇ ديگه فۊده (مثلاً دؤجين بۊبؤ وانيويسؤنˇ مئن)اي وانيويسˇ نؤم خۊدکار خال بنه به اينˇ أصلˇ جيگه.


وابين دأشتن[دچينواچين]

سومي خصلت اينه کي شيمئه وانيويس وابين بدأره؛ پس پيشاشۊ پسي، شيمه ويشتري تؤضيحاتˇ نؤبه'. شيمئه وانيويسˇ وؤته چنته وابينˇ مئن تقسيم بۊکۊنين. مثلاً: تاريخ (هر چي خۊشئبه تاريخ دأنه. نئه؟)، بنه-شناسي (هرچي نؤم دأنه ؤ اينˇ نؤم ىکته کلمه' ؤ هر ته کلمه زوانشناسي ؤ بنه-شناسي مئن خۊشصبه معني ؤ مفهۊم ؤ تاريخ دأنه)، نقد ؤ مؤخالفتؤن (شاىد شيمئه وانيويسˇ مؤضۊعˇ سر بحث ؤ جدل بۊبۊن ؤ مؤخالف ؤ مؤافق بدأره؛ شأنه جدلˇ مؤضۊعه چاگۊدن ىکته وابينˇ تيتر ؤ مؤخالف ؤ مؤافقˇ نظرؤنه اۊنˇ مئن نيويشتن)، ويشتر بۊخؤنين (شاىد ويکيپديا جي بيرۊن، چنته خؤرؤم وانيويس ؤ خال ؤ مؤصاحبه ؤ... هننأبۊن کي لازمه شيمئه وانيويسˇ خؤندنکس اۊشؤنم بۊخؤنه) ؤ سربس.

الؤن هي مؤضۊع که ىکته خؤرؤم وانيويس خأ وابين بدأره بۊبؤ ىکته وابينˇ تيتر!

تاريخ[دچينواچين]

البته الؤن چۊن قراره خؤرؤم وانيويسˇ جي گب بزنيم دئه تاريخˇ گبه نزئنيم. اۊنˇ جا، ائره چارۊمي خصلتˇ گبه زئنيم: اطلاعاتˇ جعبه. شيمئه وانيويس أگه ىکته شهر ىا کشور ىا ىک نفر نيويشتنکس ىا ىکته ورزشي تيم بۊبۊن، اطلاعاتˇ جعبه کۊمک کؤنه کي ىک نظرأ جي أصلˇ اطلاعاته اۊ وانيويسˇ مأسمکأ جي بفأميم.

جيرتيتر[دچينواچين]

ىپاره وانيويسؤنˇ مئن شاىد کۊچˇ تيترؤنˇ جير هندئه لازم بۊ جيرتيتر بنين.

بنه-شناسي[دچينواچين]

خؤرؤم، گيلکي مئن ىعني خۊب ؤ خۊش ىا بقاىده ؤ کامل. وانيويس، نيويشتنˇ مصدر أجي بمأ. وانيويشتن ىعني هندئه نيويشتن ؤ "بنيويس-وانيويس"ˇ عبارتˇ مئن دره.[۱]

باخيˇ خصلتؤن[دچينواچين]

دۊ ته کارˇ ديگرم خأ گۊدن:

جرگه-دبدي[دچينواچين]

شيمئه وانيويسه ناقلن ىکته جرگه مئن جا بدين. مثلاً اي وانيويس تينه ویکیپدیا رانماىي جرگه مئن بۊشۊن.

مئنويکي خال[دچينواچين]

شيمئه وانيويس أگه باخي زوانؤنˇ مئنم وانيويس بدأره، تينين وانيويسه مئنويکي خال اضافه بۊکۊنين.

ويشتر بۊخؤنين[دچينواچين]

  • بد نئه بشين پيشامۊتنˇ ولگˇ مئن ؤ وانيويسؤنˇ دچينواچين گۊدنه ويشتر بامۊجين.
  • ويکيپديا سياستؤنم بۊدؤنين بئتره؛ شمره کۊمک کؤنه کي شيمئه وانيويسؤنه بقاىده بنويسين.

سربس[دچينواچين]

  1. هر جا ىکچئه ادعا بۊدين خأ سربس هأدين کي کۊ کتاب ىا وانيويس ىا... جي اينه نقل کأدرين.