چۊرتيکا
چۊرتيکا أبزاري ايسه کي مۊحاسبه گۊدن ٚ وأسي کارأگيته به. چۊرتيکا ايبتدايي مۊحاسبه (جمع، تفريق، ضرب، تخسيم) ؤ جذر ٚ مئن کارايي دأره ؤ تاريخي لحاظ ٚ جه، اۊرۊپا ؤ نيزيک ٚ خۊرتاو ؤ اي بخش چين ٚ جه کي سؤنگ ٚ درزا اۊن ٚ مئن حۊکۊمت گۊدي، کارأگيته بؤستي.[۱][۲][۳]
با أنکي هأسأ پۊر مؤدرن ٚ روشان مۊحاسبه وأسي بأمؤده، ولي چۊرتيکا جه، ذهني مۊحاسبه‌ئن ٚ مئن ايستفاده به ؤ چۊرتيکا خؤره طرفدار ني دأره. أ أبزار اۊشان ٚ وأسي کي دئن نتأنده ؤ هأتؤني اۊشاني کي تازه خأیده مۊحاسبه-یأ بامۊجد مۊفيد ايسه. هأسأ مۊحققان بيافتد کي چۊرتيکا، زاکان ؤ نؤأورنایان ٚ رياضي آمۊجش دأن ٚ مئن تأنه پۊر کۊمک بۊکۊنه ؤ هأن ٚ وأسي دۊنیا مئن چۊرتيکا دۊواره محبۊب بۊبؤسته ؤ ايته جهاني مۊسابقه ني چۊرتيکازني ره را تأوأدأده کي ویشتر زاکان اۊن ٚ مئن شرکت کۊنئده.