مزقؤن‌وزار
مزقؤن‌وزار یا ساز دزگایي هيسه گه چاؤدن یا مۊنطبق بۊنه مۊزئکال صدا درهأوردن ٚ ره. أزأکئه هرته شئی گه صدا تؤليد گۊد تۊنسه‌بۊن شأنه اۊن-ه مزقؤن‌وزار دؤنسن—هدف ٚ جي هيسه گه اۊ شئی یته خاص ٚ مزقؤن‌وزار وکنه.[۱][۲] کسي گه مزقؤن‌وزار-ه بزنه یا بنٚواجه مزقؤنچي دؤخؤندن بۊنه. مزقؤن‌وزارؤن ٚ قدمت وگردنه اينساني فرهنگ ٚ سرأگير-ه. أوليه مزقؤن‌وزارؤن مۊمکنه بأضي تشريفات ٚ مئن کارأیتن بؤبؤبي مثلاً بۊق شکار ٚ مئن مؤفقابؤپسي یا طبل مذهبي مراسم ٚ مئن. فرهنگؤن نهایتاً ملؤدئن ٚ ترکيب أ عملکرد-ه سرگرمي ره تؤسعه بدأن. سازؤن همپا تکنؤلؤجئن ٚ دگردش ٚ أرأ هأگرسن.
قدمت أ مبدأ أوولي دزگا جي گه مزقؤن‌وزار تلقي بؤبۊن، مؤرد ٚ مۊناشقه هيسه. قديمي‌تري شئی گه یه پأره هامۊتنکسؤن مزقؤن‌وزار ٚ عۊنوؤن ٚ جي ارجاع دنن ساده فلۊت هيسه گه ۵۰,۰۰۰ تا ۶۰,۰۰۰ سال دئباره دأره. هيته‌ني یته جرگه مؤحققؤن ٚ جي أوليه فلۊتؤن ٚ قدمت-ه حؤدۊد ٚ ۴۰,۰۰۰ سال دؤنن. به هرحال مورخؤن ٚ ويشتري مؤتقدن یته مۊشخص ٚ زمت مزقؤن‌وزار ٚ هأساجش ٚ ره تأیین گۊد نشأنه، ايندؤني گه پۊر أوليه سازؤن حأیوانات ٚ پۊس، خاش بأني چۊ یأ باخي غیر ٚ مؤنين مواد ٚ جي چاؤدن بؤن.[۳]
_(9420310527).jpg)
مزقؤن‌وزارؤن پۊر دۊنیا ٚ آدم-دؤبؤ مناطق ٚ مئن مستقلکئه جؤنأیتن. ولي هأندرن تمددۊنؤن ٚ ايرتباط کسن ٚ همرأ مۊنجرابؤ گه ويشتر خۊ مبدأ ٚ جي ٚ دۊر ٚ شرؤن ٚ مئن توأتۊند دپيچن أ سازگار بؤبۊن. کلاسيک-پسي زمت، بین النهرین ٚ سازؤن شرقي نسا-آسيا ٚ دریایي مناطق ٚ مئن دؤبؤن أ اۊرۊپایئن مزقؤن‌وزارؤني نوأتن گه اۊشؤن ٚ منشأ کلسا-آفريقا ٚ مئن بؤ. تؤسعه ٚ روال آمريکا'ن ٚ مئن أمما لس‌تر بؤ، با اين حال کلسا یأ مئن أ نسا آمريکا مۊشترک ٚ سازؤني دأشتن.
تا ۱۴۰۰ ميلادي مزقؤن‌وزارن ٚ تؤسعه خلي شرؤن ٚ مئن کۊندأکته بؤ یأ اۊن ٚ تأد خۊرخؤس ٚ مئن ترقي بؤگۊد. مزقؤن ٚ کلاسيک أ رؤمانتيک ٚ زمت ٚ طی گه تقريب‌وري ۱۷۵۰ تا ۱۹۰۰ ٚ ميلادي طۊل دکشئه، پۊر مزقؤن‌وزار چاؤدن أ تؤسعه بيأتن. وختي گه سۊننتي سازؤن ٚ هأگردش ۲۰ؤمي قرن ٚ سرأگير ٚ مئن کۊند دکته بؤ، ئلکترسيته ٚ وتينش ٚ دؤني ئلکتريک سازؤن ٚ چاکۊنش بۊنه بگيت. ئلکتريک گيتار أ سينث‌سایزر أ تئرٚمين ٚ مۊسؤنچي سازؤن.
مزقؤن‌وزارؤن-ه جرگه‌دبۊد گۊدن خؤره یته رشته هيسه یأ پۊر جرگه‌دبۊدي سيستمؤن، دوأرسه سالؤن ٚ طی مطرح بؤبؤ نأن. مزقؤن‌وزارؤن خۊ صؤتي بؤرد أ چاگۊدأر ٚ ترکيب أ سایز أ نخش أ باخي چيزؤن ٚ جي جرگه‌دبۊد بؤ تۊنن. معهذا رایج‌ترين آکادميک متد، هؤرن‌بؤستل—زاکس، شيوه‌یي گه مزقؤن‌وزار اۊن ٚ جي صدا چاؤنه، مد ٚ نظر قرار دنه. مزقؤن‌وزارؤن ٚ مۊطالعه دؤنشگا مئن ؤرگٚنالجي یا ساز‌شينأسي دؤخؤندن بۊنه.[۴]
سربس
[دچينواچين]- ↑ https://www.kielitoimistonsanakirja.fi/soitin
- ↑ Попов С. С. Инструментоведение: учебник. — 4-е изд., перераб. — Санкт-Петербург: Лань: Планета музыки, 2022. — С. 35.
- ↑ http://www.cbc.ca/arts/story/2004/12/30/flute-prehistoric041230.html
- ↑ https://www.britannica.com/art/musical-instrument