رشتˇ ستارˇ کمیته

رشتˇ ستارˇ کمیته ، ایتا سری انجمن نام بو کی مشروطه اینقلاب پیش و کوچی استبدادˇ زمات ، رشت مئن پابیگفت. أ کمیته آقابالاخان سردار افخم گیلانˇ حاکم کوشتن أمره ، گیلانˇ اینقلاب شروع بوگود. کمیته فعالیت جوخوسی بو. هنه وأسی کمیته نام به اصطلاح ستار دوخادید. بأضی باور دأشتید کی کمیته نام جه ستارخان ، تبریزˇ پیله اینقلابی جیگیفته بوبو. کمیته اعضا ناشناس بید چون اگر شناسایی بوبوسته بید ، دستگیر و فوری اعدام بوستید. کمیته اعضا عبارت بید جه: میرزا کریم خان رشتی ملقب به خان اکبر و اونه سه تا برار بنام معزالسطان ، عمیدالسطان و احمدعلی خان – سید یحیی ندامانی (ناصر الاسلام) – حسین کسمایی – علی محمد تربیت – حاج حسین اسکندانی – جوادخان ناصرالملکی – مشهدی مختار اردبیلی – آقاگل میخ فروش اسکندانی - رحیم شیشه بر- میرزا محمدعلی مغازه. کمیته سرکرده میرزا کریم خان بو و همه روج کمیته اعضا جمأ بوستید و بوگوبیشتاو گودید. کمیته نشستˇ جاجیگاه ، سبز ٚ میدان ٚ محل ، میرزا یوسف خانˇ خانه مئن بو. ستارˇ کمیته چندته کمیسیون فرعی ، مالی و جنگی مأنستن دأشتی. جنگˇ کمیسیون جه گیلانی و ارمنی و گرجی مجاهدان تشکیل بوبوسته بو و اوشانه سرکرده حسن کسمایی ، انتصار السلطان ، یپرم ارمنی و والیکو گرجی بید. ستارˇ کمیته بتأنسته کی قفقاز ٚ مجاهدان یاور أمره پول و اسلحه انگاره بیگیره و اینقلاب و شورش شرایط مهیا بوگود. ستارˇ کمیته ، آقا بالاخانˇ کوشتنˇ نخشه طراحی و اجرا بوگود و جه محمدولی خان تنکابنی دعوت بوگوده گیلانˇ اینقلاب رهبری بدس بیگیره.

سربس

• ابراهیم فخرایی - گیلان در جنبش مشروطیت - انتشارات و آموزش انقلاب اسلامی - ١٣٧١