قالب:ویکیپدیا:دؤجین‌ببؤ وانیویس/ماه ۲۰۱۳/۱۲

Wikipedia جي
لينکؤنˇ پورتره، جورج پيتر الكساندر هيلی سال ۱۸۶۹ م بِكشه.

آبراهام لينکؤن (آبراهام لینکؤلن) ۱۲ فوريه ۱۸۰۹ م (۱۳۸۳ گیلکی امیر ما ۱۰) كنتاكی مئن بيچه بوبوسته. آمريكا مئن شانزدهمين رئيس‌جؤمور و جؤموری‌خا حزبˇ اولی رئیس جؤمور، جه سال ۱۸۶۱ تا ۱۸۶۴ م ايسه. اون ايتا پيله حوقوقدان و سياسی مردای و پيله سخنران بو. اونˇ رياست جؤموری زماتˇ پیلˇ تفاق، آمريكا داخلی جنگ بو. ا جنگˇ میان كی نِسايی ايالتان، آمریکا مئنˇ برده‌داریه لغو گودنˇ همره موخالف بيد، خوشانه دولت تشكيل بدائيد و لينكؤنˇ دؤلتˇ امره اَ موضوعˇ سر بجنگستيد. آمريكا داخلی جنگ چاار سال طول بكشه و سرآخر لينكؤن بتانسته شورشيانه دشكنه و خو لايحهٰ، برده‌داری لغو گودنˇ واستی، مجلسˇ دورون تصويب بوكونه. ۱۵ آوريل ۱۸۶۵ م ( ۱۴۳۹ گ) لينكؤن ايتا تئاترˇ مئن -فؤردˇ نامی- ترور بوبوسته. اونˇ بوكوشته‌كس ايتا متعصب كاسˇ مرداك بو كی نسايي‌ئنˇ هواخواه و برده‌داری لغوˇ همره مؤخالف بو. لينكؤن آمریکا مئن اولی رئيس جؤموری ايسه كه بوكوشته بوبوسته. لينكؤن هسه آمريكا رئيس‌جؤمورانˇ مئن پور محبوب ايسه و مردوم اونه ايتا پيله انسان و مؤنجی دوخانيد.