قالب:ویکیپدیا:دؤجین‌ببؤ وانیویس/ماه ۲۰۱۳/۰۷
يامازاكی ( ژاپونی: 山崎の戦い – يامازاكی نو تاتاكائو) ايتا جنگ بو سال 1582 ژاپون مئن. بين تويوتومی هيده يوشی و آكيچی ميتسوهيده. آكيچی ميتسوهيده اؤدا نؤبوناگا خلابر بو ، و ايتا كودتا مئن ، به نوبوناگا فوتوركسته و اونه كوشه و كيوتو تصرف بوگوده. ولی بعد سيزده روج كی دوراسته. تويوتومی هيده يوشی ايتا دئه نوبوناگا خلابران بو ، يامازاكی صارا دورون ، ميتسوهيده امره بجنگسته و اونه بوكوشته. و هيديوشی ، نوبوناگا جانشين بوبوسته.
قبل جنگ
[دچينواچين]وختی آكيچی ميتسوهيده ، ضد نوبوناگا كودتا بوگوده و اونه بوكوشته. تويوتومی هيده يوشی ، موری كوگا امره كرا جنگستی. ميتسوهيده وختی نوبوناگايه كوشه. چندتا قاصد، موری كوگا ورجا اوسی بوگوده و اوشانه جه بخواسته همديگر امره ضد هيده يوشی ايله جار بوكونيد. ولی هيده يوشی خلابران بِتَنستيد قاصدان اويرا كونيد. و هيده يوشی بفهمسته كی اونه چكنه ، يعنی نوبوناگا كوشته بوبوسته و ميتسوهيده اونه جانشين بوبوسته. و هسه خوايه بعد نوبوناگا اونم بوكشه . هيده يوشی واناشته كی موری كوگا اَ موضوعه آگاه بِبه. و اوشانه امره صلح بوگوده و توند و چسب خو حشر و مايه دار امره سمت ميتسوهيده بوشو. هيده يوشی جنگ واستی شتاب دشتی و پور تسكه ديل بو. وی خو رستران پور سختی بدأ. و هر روج مئن سی تا چهل كيلومتر راشی سر دوارستيد.