آها بۊگۊ (مۊزيک)

آها بۊگۊ يته فؤلکلؤر ترؤنه ايسه گه گيلکؤن شادماني مراسمؤنˇ ميئن (عرۊسي مۊسؤن) خؤندن ؤ جشن گيتن.

ترؤنه وؤت

مي جؤنˇ يارى دگۊده بۊ قباى گالشي!

أمأره بيجار بۊمابۊ زحمت بکشي

مي چرچرؤنه

ايمشؤ شيمي خؤنه ور شيزيني خۊرؤنه

ده گۊته مننئم

شؤ خۊته مننئم

آفتؤوه سنگينه جؤرأگيته مننئم

چندي مۊ پۊست وابکنم اي پرتقاله

چندي نيا با بکۊنم بۊلندي بالا ره

بۊلندي بالا نگۊده بۊ مي ديلˇ کاره

ايمرۊ نيشاست با بکۊنيم فرده دۊواره

مي چيني کاسه'ى

قۊربؤن بشۊم لاکؤى تي چپه راسأى

مي چيني قۊري

تازه يارم بگيته بۊ تي چۊشمˇ کۊري

بهار بۊمابۊ با عطرˇ بنفشه

بۊلبۊل چپ چپ بزأبۊ تيليمبارˇ گۊشه

تۊ بۊشۊ لاکۊ بگۊ خۊدره نکۊشه

ناز ؤ غمزه'ى نکۊن بيه مي کشه

مي تۊرشˇ وأشى

سيصدته باغ بگيته بۊم تي خؤنه واشؤى

ده گۊته مننئم

شؤ خۊته مننئم

آفتؤوه سنگينه جؤرأگيته مننئم

مۊرتبط

• آها بۊگۊ ترؤنه ناصر وحدتي خۊندشˇ أمرأ
• آها بۊگۊ ترؤنه به سبکˇ پاپ mori ؤ zaconˇ خۊندشˇ أمرأ
• آها بۊگۊ ترؤنه رضا فلاحي خۊندشˇ أمرأ