لابدؤن جيگه-شناسي

فيزيکي جيگه-شناسي مئن، لابدؤنؤن چندين ؤ چند جۊرن: اۊتۊبۊسي (bus)، رۊجاىي (star)، رچي (line)، ريسه-ىي (ring) ؤ داري (tree) ؤ...

اينکه کامپيۊتري لابدؤنؤنˇ مئن، کامپيۊترؤن چۊته کسن کسنه متصل وکن لابدؤن جيگه-شناسي (اينگيليسي مئن: Network Topology) و ىا شبکه تؤپؤلؤژي دخؤنده بۊنه. ىته شبکه طراحي ره دۊ ته اصلي پارامتره درنظر گيتن خأني: اقتصادي بؤؤن ؤ قابل اعتماد بؤؤن. دۊ را شبکه هندسه معرفي ره نئه: فيزيکي ؤ منطقي تؤپؤلؤژي. فيزيکي تؤپؤلؤژي مئن دسگا'ن کابل کشي طرحˇ همرأ کسن کسنه متصل وکتأن در صۊرتي که منطقي تؤپؤلؤژي، مسيري هيسه گه سيگنالؤن شبکه مئن ردؤبدل وکنن از اي گۊده به اۊ ىکي گۊده ( from node to node).

سۊ ته لابدؤن جيگه-شناسي

شبکه تؤپؤلؤژي ىا لابدؤن جيگه-شناسي روشؤنه تؤصيف کۊنه که اي روشؤن شبکه فيزيکي سيم کشي ره استفاده بۊنن؛ اصلي روشؤن ايشؤنن:

اۊتۊبۊسي جيگه-شناسي

اۊتۊبۊسي (Bus) جيگه-شناسي مئن، ايستگا'نˇ مئنأ ىکته ارتباطي رچ^{{سربس خأنه}} (line) نئه. هرلحظه مئن کامپيۊترؤن خالي ىکته تۊنن رچˇ سر دىتا اؤسئه بؤنن و اي زمتˇمئن دئباخي کامپيۊترؤن خأ چؤم بزنن ؤ دىتا اؤسئه گۊدنˇجي خۊدداري بؤنن نوىلا گنش (collision) پيش هنه. اي تؤپؤلؤژي مئن خأ شبکه انتها ىته خاتمه-گرˇ همرأ خاتمه بيابه.

ريسه-ىي جيگه-شناسي

ريسه-ىي (Ring) جيگه-شناسي مئن، ريسه مۊسؤن ىکته ارتباطي کانال نئه گه اۊنˇ سر ؤ کين، کسن کسنه متصل هيسه ؤ گلأکته نئه. دسگا'ن هر ىکي اۊ ىکي همرأ متصل وکتأن؛ ريسه وکتأن بصلأ. اي تؤپؤلؤژي مئن دىتا تؤکن (data token) ىته مجوز هيسه کامپيۊترانˇ ره ارتباط برقرار گۊدنˇ وأسه.

رۊجاىي جيگه-شناسي

رۊجاىي (Star) جيگه-شناسي مئن، ايستگا'ن همه به ىکته مرکزي دسگا گلأکنن ؤ اي مرکزي دسگا هاب (hub) دخؤنده بۊنه ؤ ارتباط دسگا'ني هابˇ جي برقرار بۊنه. به عبارتي ديگر، دسگا'ن همه همه ىته مرکزي هابˇ دؤر نأن گه تۊنن دئباخي مراکزˇ همرأ ارتباط بزنن؛ هاب شبکه مئنˇ ارتباطاته کنترل کۊنه ؤ حداقل فاصله تا هاب خأ صد متر بؤبۊن.

همچنين ترکيبي لابدؤن (hybrid network) ني نئه گه سۊ ته'ن: رۊجاىي.اۊتۊبۊسي ؤ ستاره-اي..ريسه-ىي ؤ مشي (mesh). مشي لابدؤن اجازه دنه هر کامپيۊتري ىته مستقيم اتصال بدأره اۊ ىکي کامپيۊترˇ همرأ. امرۊزه رۊجاىي ؤ اۊتۊبۊسي جيگه-شناسي، کامپيۊتري لابدؤنانˇ مئن ويشتر کارأگىته بۊنن.