Wikipedia:کارگيري پأره'نˇ دسفأرس

Wikipedia جي


ويکيپديا مئنˇ دچينواچينگرˇ دسفأرس، اينˇ بىدؤقؤنˇ (بىدۊق=پرچم) جي مألۊم بنه؛ که اي بىدۊقؤنه ىپاره خۊدکار ؤ ىپاره ني دستي هأدئنن کارگيره. بىدۊقدار کارگير، کارگيري ايسه که اي بىدۊقˇ دأشتنکسؤنˇ پأره مئن دره. اي بىدۊقؤن، ويکيمديا نرمبزارˇ ىپاره امکاناته هأدئنه کارگيره.

ويشترين دسفأرسه شأردويرؤن ؤ کيا'ن دأنن چۊن ايشؤنˇ کارگيري پأره اي دسفأرسسؤنه ايشؤنه هأدئنه. مثلاً أگه ىکته کارگير، شأردويرؤن ىا کيا'ن ىا پساوگردانˇ پأره شي بۊبۊن تينه باخيˇ کارگيرؤنˇ کارگيري نؤمه عوضأکۊنه، جيگابدأ ولگؤنه بىنه ؤ دچينواچينؤنه پساوگردؤنه؛ ولي أگه 'sysop' ؤ 'bureaucrat'ˇ پأره جي بيرين بۊشۊن، فقط تينه پساوگردؤن بۊکۊنه چۊن هنۊز پساوگردؤنˇ پأره مئن ايسأ.

ىکته پأره مئن دبؤنه گاگلف ىکته بىدۊق دأشتن گۊنن؛ پس أگه 'sysop' پأره مئن دبي ىعني کياگري بىدۊقه هأىتي.

فيچال[دچينواچين]

هرکي وبجيگه' سر زئنه، بنه بينؤم کارگير ؤ أويرنؤم کارگيرؤنˇ پأره مئن دره. اۊ کارگيرؤني که وبجيگه مئن ثبتˇنؤم کؤنن، تازه کارگيرؤنˇ پأره مئن ني درن. اي کارگيرؤن، چار رۊز ؤ ۱۰ ته دچينواچينˇ پسي خۊدکار بنن تأىيدبۊبؤ کارگير. باخيˇ بىدۊقؤن خالي وختي کارگيرؤنه هأدأ بنه که درخاست بۊکۊنن؛ رؤباتˇ بىدۊق ؤ پساوگردانئنˇ بىدۊقˇ مۊسؤن که کارگير اۊشؤنˇ کاراىتنˇ ئبه خأ دليل بأره. کياگري ؤ شأردويري مۊسؤن دسفأرسؤن، رأى گيتن ؤ عۊمۊمي اجماعˇ پسي هأدأ بنه. کارگيرپا ؤ دۊخۊسؤنگرˇ دسفأرس رأى گيتنˇ پسي ؤ وختي که کارگيرˇ هؤويت ويکيمديا بنا ورجه رؤشن بۊبۊن، اۊ کارگيره هأدأ بنه.

کارگيري پأره'ن[دچينواچين]

أويرنؤم کارگيرؤن[دچينواچين]

اۊ کارگيرؤني که حساب ندأنن ىا ديرين نمأن، أويرنؤم کارگيرن. اي کارگيرؤن تينن همته ولگؤنه بىنن (جغرزˇ چنته خاصˇ ولگ) ؤ دچينواچين بۊکۊنن (جغرزˇ بپأسه ولگؤن) ؤ گبˇ ولگ چاکۊنن ولي منئن اصلي نؤمفضا مئن ولگ چاکۊنن ىا تاتاىي جؤراکشن. اي کارگيرؤن خأ أول پيشادئنˇ کيليده بزنن ؤ بازين ذخيره کيليده. ريزˇ دچينواچينم منئن بۊکۊنن.

تازه کارگيرؤن[دچينواچين]

اي کارگيرؤن تازه ثبتˇ نؤم بۊده'ن ؤ تينن ريزˇ دچينواچينم بۊکۊنن ؤ باخيˇ کارگيرؤنه ايمىل اۊسئه بۊکۊنن ىا اۊشؤنأ جي ايمىل هأگيرن؛ ولي نيمه بپأسه ولگؤنه منئن دچينواچين بۊکۊنن.

تأىيدبۊبؤ کارگيرؤن[دچينواچين]

ىپاره کارؤنˇ ئبه خأ چن سفر کارگيرؤنˇ ثبتˇ نؤمˇ جي دوأره ؤ ايشؤنˇ دچينواچينؤن ىک رقمˇ جي جؤرتر بۊشۊن. اۊ کارگيرؤني که ايتؤرن، تأىيپبۊبؤ کارگيرؤنˇ پأره حساب هأنن. هر دفأ که ىکته کارگير ىکته کار بۊکۊنه که اينˇ ئبه دبسته'، کارگيرˇ تأىيد بۊبؤنˇ وضعيت خۊدکار بررسي بنه ؤ أگه اينˇ شراىطه بدأره، نرمبازر خۊدکار اۊ کارˇ دسفأرسه اينه هأدئنه. کارگيري حسابؤنˇ ويشتري أگه ۴ رۊز ويشتر عؤمر بدأرن ىا ناقلن ۱۰ ته دچينواچين بۊده بۊن، خۊدکار تأىيد بنن. بسچي که اۊ کارگيرؤني که ايشؤنˇ آى.پي دبسته بۊبؤره ىا تؤرˇ لابدؤنˇ جي دچينواچين کؤنن ايشؤنˇ شراىط سختتره ؤ خۊدکار تأىيد بؤنˇ وأسي ۹۰ رۊز ؤ ۱۰۰ ته دچينواچين خأنن.

خۊدکار تأىيد بؤن ىا ىکته تأىيدبۊبؤ پأره مئن دبؤنˇ وضعيتˇمئن شأنه: ولگؤنه جابجا گۊدن، نيمه بپأسه ولگؤنه دچينواچين گۊدن، فاىل ىا ىکته فاىلˇ جي تازه نؤسخه جؤراکشئن. تأىيدبۊبؤ کارگيرؤنˇ جي ويشتري دئه کأپچا نيويشتن خأسته نبنه. اي کارگيرؤن تينن ويکي مئن کتاب چاکۊنن. تازه، خرابکاري فيلتر، ىه پاره اخطار ؤ فأندر دأنه که خالي تأىيدنۊبؤ کارگيرؤنˇ ئبه هأنه. در اوت ۲۰۱۴، شمار کاربران تأییدشدهٔ خودکار ویکی‌پدیای فارسی بیش از هجده‌هزار بود که قسمت اعظم آن‌ها غیرفعال هستند.