ميئن پۊشته کاخ

کۊللي ايطلاعات
بينأ نؤع	کاخ — فرهنگي أثر
ايداري منطقه	أنزلي
کيشور	ایران
صاب	رضا پهلوی
مالکان	لیست… رضا پهلوی (۱۹۲۹ – ۱۹۴۴); بندر انزلی (fa) (دهه 1940); استانداری گیلان (fa) (دهه 1950); نیروی دریایی شاهنشاهی ایران (fa) (۱۹۵۳ – دهه 1960); دودمان پهلوی (fa) (دهه 1960); نیروی دریایی شاهنشاهی ایران (fa) (۱۹۶۹ – ۱۹۷۹)
کار	naval museum (en) (۱۹۸۸ – )
رسمي واگۊدن	۱۹۳۱، ۱۹۷۵، ۱۹۸۸ ؤ ۲۰۰۱
بۊلندي	۱۸٫۲ متر (fa)
طۊل	۲۷ متر (fa)
عرض	۲۴٫۱ متر (fa)
پيلئکي	۱٬۱۶۸ متر مربع (fa) ; ۱۷ هکتار (fa) (باغ (fa) )
بينأ ماده‌ئن	سنگ ; بتن مسلح (fa) (سقف (fa) ); گچ
طبقه‌ئن	۲
معماري سبک	پهلوي معماري
هزینه	۷۵٬۰۰۰ ریال ایران (fa)
مۊختصات	شمالی‌″۰۱ ′۲۸ °۳۷ شرقی‌″۵۰ ′۲۷ °۴۹ / 37.46681°شمال 49.46392°شرق

ميئن پۊشته کاخ ايته جه گيلان ٚ أنزلي تاريخي بينأئن ايسه ؤ أنزلي ميئن پۊشته محل ٚ دۊرۊن نهأ. أ کاخ هأسأ مۊزه ايسه ؤ مردۊم تأند اۊن ٚ جه دئن بۊکۊند.

تاريخچه

أ كاخ ميئن پۊشته دۊرۊن ؤ غازيان ٚ پۊرد ؤ أنزلي پۊرد ٚ بين نهأ ؤ پۊر زيمي ؤ باغ ؤ فضای سبز دأره. قبل أنکي أ کاخ چأگۊده ببه، أن ٚ جا سر خۊشتاريا کاخ نهأ بۊ گه ايته رۊسي تاجر ٚ شين بۊ. أ تاجر «آکاکي مفؤدیویچ خۊشتاريا» نام دأشتي ؤ گۊرجستان ٚ آباشای ٚ شين بۊ گه اۊ زمات ايته بخش جه تزاري رۊسيه بۊ. خۊشتاريا اۊ زمات ايران ٚ کلسيا نفت ٚ ايمتياز-أ دؤلت ٚ جه فيگيته بۊ ولي رۊسيه اينقلاب ٚ وأسي نتأنسته خۊ کار-أ شرۊع بۊکۊنه ؤ خۊ ایمتياز-أ بۊفرؤخته ؤ ايران ؤ اينگيليس ٚ نفت ٚ شرکت-أ فدأ. خۊشتاريا هأتؤني ايته جه أول کساني بۊ گه برق ٚ صنعت-أ بأرده ايران ؤ اۊ زمات گه ايران ٚ مئن هئجيگا برق نأشتي خۊشتاريا کاخ شو ٚ تاريکي مئن پۊر سۊ زئي ؤ همه کس ٚ نظر-أ جلب گۊدي. رضاشا قۊدرت گيتن ٚ پسي، رضاشا سفر وأسي بأمؤ أنزلي ؤ اۊ کاخ-أ بيده ؤ اۊ کاخ ٚ جه أن-أ خۊش بأمؤ ؤ اۊن زيبايي جه تعريف بۊگۊده. خۊشتاريا ني گه خأستي شا نظر-أ جلب بۊکۊنه ؤ اۊن ٚ أمرأ ريفئق ببه خۊ کاخ-أ پيشکش بۊگۊده ؤ رضاشا-أ فدأ. رضاشا ني اۊ کاخ ٚ عوض ايته ساختمان-أ تئران ٚ بهارستان ٚ دۊرۊن خۊشتاريا-یأ فدأ. أ کاخ تا ۱۳۰۷ پابرجا بۊ تا أنکي اۊ سال آتش بيگيته ؤ کامل بۊسؤخته. بأزين اي سال ٚ پسي رضاشا دستۊر بدأ گه ايته جديد ٚ کاخ اۊن ٚ جا سر چأکۊند ؤ اۊن طراحي-أ ني ايراني معماران أنجام بدأده ؤ چن سال ٚ پسي ؤ ۱۳۱۳ تا ۱۳۱۴ شمسي سالان ٚ مئن، پهلوي سلطنتي عمارت گه هأسأ ميئن پۊشته کاخ نام دأره چأگۊده بؤبؤسته ؤ تا هأسأ ني پابرجا ايسه.^[۵]

کاخ ٚ باره

مساحت اونه زير بنا 1168 مترمربع ایسه. بدنیه ساختمان دو جدار و از بلوك سيمانی چاگوده ببو دارای 11 تا اوطاق و ایته سالون پذيرائی با چهار تا سرويس حمام و دستشوئی ایسه. داخل اوطاقان به طرز زيبائی گچ بری ببوسته و ایته پیله لوستر ، 6 شاخه كريستال با زنجيری در كاخ سرسرا آويزان ایسه. از سال 1367 نيروی دريائی ، پس از تعميرات اساسی ، کاخا تبدیل به موزه و انواع سلاحهان گرم و سردا از زمان صفويه تاحاسه در قفسان مخصوص جاسازی و در معرض ديد عموم قرار بدا كه ایته از نوقاط ديدنی و خاطره انگيز بندرانزلی ایسه و بازديد از ا نظامی موزه برای عموم آزاد ایسه.