چستر نيميتز
چستر ويليام نيميتز (اينگيليسي زوان: Chester W. Nimitz، ج ۱۸۸۵ٚ ۲۴ فوريه تا ۱۹۶۶ٚ ۲۰ فوريه) ايته دريايي ناوگانٚ آدميرال بۊ کي آمريکاشين بۊ و ج سال ۱۹۴۵ تا ۱۹۴۷ آمريکا نيرۊ درياييٚ عملياتي فرمانده بۊ. نيميتز، دۊوؤمي جهاني جنگٚ مئن، آرامٚ اۊقيانۊسٚ جبهه مئن ايته مؤهمٚ نخش دأشتي و أ جبهه مئن، مؤتفقينٚ هوايي نيرۊئان، دريايي نيرۊيان، و زميني نيرۊئانٚ فرماندهي-أ به عؤهده دأشتي.
نيميتز ايته ج مؤهمٚ مؤسئۊلان جيردريائیانٚ مئن بۊ. نيميتز خۊ کارٚ أوائل، جيردريائي کارانٚ مئن مهارت فيگیفت. وعدها جيردريائيانٚ سۊختٚ تبديلٚ بستن ج بنزين به گازؤئيل، نظارت دأشتي و ني أولين أتؤمي جيردريائيٚ ساختٚ مئن يأني يۊاساس ناتيلۊس کۊمک بۊکۊد. ني ۱۹۱۷ أوائل، ايته سۊختگيري روش ابداع بۊکۊد کي را مئن تأنستيد سۊخت بيگيريد کي ژاپؤنٚأمره نبردانٚ مئن، تقريباً بهطؤر بيوقفه تأنستيد حمله بۊکۊنيد.