پور داوود

Wikipedia جي

ابراهیم پورداوود ، ۱۲۶۴ ه.ش رشتˇ سبزه میدانˇمحله مئن به دونیا بومو . اونˇ پئر حاجی داوود زمین دار او بازرگان بو اونه مار ام حاجی ملاحسن خمامی زای بو . ابراهیم بعدˇ مکتب خانه به حاجی حسنˇمدرسه کی سبزه میدانˇ صالح آبادˇ بازارچه مئن نهابو بوشو ، هه زماتˇ جا خو شعر گوفتنأ شوروع بوگوده او خو تخلصأ"لسان" اینتخاب بوگود .سالˇ ۱۲۸۴ ه .ش خو برار او خو اوستادˇ امره بوشو تئران ، او شوروع به طب یادگیفتن بوگود بعد چندی به بیروت بوشو او فرانسه ادبیاتأ یاد بیگیته هه زمات مئن خو فامیلیأ "پورداوود" بنه او اونه خاندانˇ گیلانˇ مئن خوشانه فامیلیأ "داوودزاده" بناده .

بعدˇ دوسال او نیم واگردسته رشتأ . مردادˇ ۱۲۹۳ بوشو فرانسه او رشتیه حقوقأ بخواند . پور داوود دو نفرˇ دیگرˇ ایله جارˇ امره پاریسˇ مئن هفته نامیه "ایرانشهر" را تاودا .

جنگ جهانی اولˇ مئن بوشو بغداد او روزنامیهˇ " رستاخیز " مونتشرا گوده ولی اینتشار أ روزنامه ممنوع ببو او پورداوود کوچ بوگود به برلن او تا تمانا بستنˇ جنگ اویه بئسا . پورداوود بعدˇ ان کی واگردسته ایران باز ایته موسافرت به هند بوگود او بخشانی جی ادبیات مزدیسنا و گزارش اوستایأ مونتشره گوده.

پورداوودأ به عونوانˇ بنیانگذارˇ ایران شناسی ایرانˇ مئن ، او به عونوانˇ کسی کی زوانˇ ایران باستانأ زنده گوده شناسده. هطو پورداوود اولین کسی بو کی اوستایأ به فارسی زوان واگردانه .

پورداوود شعر ، بینیویشته او کیتابانˇ زیادی خودش ˇجا به یادگار بنه.

ابراهیم پورداوود ایته پیله مرداک بو کی رشتˇسبزˇمیدانˇمیان در 15 اسفند سالˇ1264 ه.ش به دونیا بامو او 26 آبان 1347 ره بمرد.

اوستاد پورداوود ایته پیله دانشمند بو کی ایران شناسی ره خیلی فعالیت بوکود. اوستاد وختی 20 سال داشتیدی ایرانˇ آثار باستانی جه دیدن بوکودیدی. اوستاد خو 20 سالگی میان آثار باستانی بیستون، طاق بستان، قصر شیرین او ایوانˇمداینˇجه دیدن بوکودیدی. او زماتی کی خو خانواده مره هندوستان ایسا بو، ادبیات مزدیسنا او گزارش اوستائأ مونتشر بوکود. ایزه کی بوگوذشت دانشگا تئرانˇجا شروع به تدریس بوکود.

دوکتور احسانˇیارشاطر ایته جه اوستادˇشاگردانه. دوکتور یارشاطر گویه: پورداوود بنیان گذارˇ تحصیلاتˇ ایرانˇ باستان بو او ذوق او شوقی یأ کی دشته دیگران ام فده ای.

یکشنبه روزی بو موصادف با 26 آیان 1347 کی اوستاد خو کتابانˇ میان خو تختˇخوابˇجور بمرد.


پورداوودˇ بودونیا آمون[دچينواچين]

پانزدهم ایسفند

پورداوودˇ جه دونیا موردن[دچينواچين]

بیست و ششم آبان


مازیار --91.99.132.0 ‏۱۹ نوامبر ۲۰۰۹، ساعت ۰۹:۲۸ (UTC)