پايتؤن (برنامه‌نيويسي زوان)

پايتؤن

برنامه‌بينويسي پاراديم	چنتا اۊلگؤيي: تابعي، دستۊري، شی‌ءگرا،متن‌وا، پژواکي
طراح	خيدؤ فان رؤسؤم
تؤسعه‌فدن	پايتؤنˇ نرم‌افزاري بۊنياد
وبجيگا	python.org
Python Programming در ویکی‌کتاب (انگلیسی)

پايتؤن (انگليسي زوؤن: Python) ايته برنامه‌بينويسي زوؤن ايسه؛ شيءگرا، متن‌وا، تفسيري، سطح‌بؤجؤر و همه‌منظوره ايسه که توسط خيدؤ فان رؤسؤم طراحي ببسته و سال ۱۹۹۱ مئن منتشر ببسته. پايتؤن بؤجؤرˇ خانايي وسئي طراحي ببسته و خالی‌فاصله أنˇ مئن معنا دأره و نظمˇ وسئي استفاده به.

أنˇ رزرو بئسته واژئان خيلي کم ايسيدي و ماژۊل زياد دأره.

بقيه زوؤنان معمؤلاً از آکۊلاد کؤدبلاکانˇ وسئي أستفاده کؤنيدي؛ بالأخص زوؤناني کئ از سي زوؤن پيروي کؤنيدي. ولي پايتؤن از تب (چأرتا فاصله) أستفاده کؤنه. هن باعث به کئ کؤدبلاکان مۊرتب ببه.

پايتؤنˇ مئن أز شيءگرايي، دستوري برنامه‌بينويشتن و تابع‌محوري أستفاده به.

پايتؤن ايته مؤفسر زوؤن ايسه کئ کاملاً شيءگرا ايسه و پرل، رابي، اسکيم، اسمال‌تاک و تي‌سي‌الˇ مئنسن ايسه و خۊدش حافظهٔ مؤديريت کؤنه.

پايتؤن ۲ أز سال ۲۰۲۰ دئ رسماً پؤشتيباني نئبه و پايتؤن ۲٫۷٫۱۸ پايتؤن دۊˇ آخرين نۊسخه ايسه و ديگر بهبؤد نديد أؤنه. وعد أز أن، فقط پايتؤن ۳ پؤشتيباني به.

پايتؤنˇ هدف، بؤجؤر خانائي ايسه. هنˇوئسي ويشتر انگليسي واژئانˇ ج أستفاده کؤنه و أنˇ رزرو بئسته واژئان حدأقلي أيسيدي. پايتؤن همچينين بئ سي و پاسکالˇ نسبت استثنائات کمتر دأره. پايتؤن خأيه کئ کؤدان کۊتاتر و خلاصه‌تر أيسه و باعث به کئ خرؤجيان سريع‌تر و بئینه‌تر بيبيد.

پايتؤنˇ دستۊران

پايتؤن، کؤدبلاکانˇ سوا کؤدنˇوأسي از خالي‌فاصله (آکۊلادˇ جا) أستفاده کؤنه. (أنˇ گيدي گاز يا Indent) شرؤع کؤدنˇوأسي أز ايته تب (چأرتا فاصله) أستفاده کؤنيم و کؤدبلاکˇ تمام کؤدنˇره ايته تب کمˇ کؤنيم. أنˇ گيدي آفسايدˇ قاعده. ويشتر زوؤنانˇ مئن گاز بدأشتن معنا نأره.

دستۊر زوؤن

پايتؤن دۊˇ کؤدان

گازدار بينيويشتن

پايتؤن کؤدبلاکانˇ سوا کۊدنˇوئسي آکۊلادˇ جا، خالي‌فاصله‌ج أستفاده کۊنه کي به‌أصطلاح أنˇ بدؤرۊن‌شؤئون يا گاز بدأشتن. هر کؤدبلاکˇ وئسي از ايته تب (چأرتا فاصله) أستفاده کۊنيم و کؤدبلاکˇ آخرˇ ج ايته تب کمˇ کۊنيم. بقيه زوؤنان مئن، أن ويژگيˇ گيدي آف-سايد.

دستۊران

• مقدار فدن: =
• شرط نئن: if بررسي کؤدنˇوسي، else در صؤرتي کئ if برقرار نبئه، elif همون else أيسه فقط أنˇ جلؤ شرط هم دأره.
• حلقه: for کئ تکرار کؤدنˇوسي أستفاده به.
• while کئ همون for مئنسن أيسه فقط ايته شرط دأره و تا زماتي کئ أؤن شرط برقرار ببه، while بيجيرˇ کؤد اجرا به.
• خطائانˇ مؤديريت: try و except، به‌ترتيب اولين‌بار و وعد أز خطا فيگيفتنˇ وأسي.
• خطا فدن: raise کي وعد أز أن خطائ نام أيه.
• نمونه چأکؤدن: class، کئ وعد أز أن کلاسˇ نام و ايته دۊنقطه أيه.
• تابع چأکؤدنˇ وأسي از def، تابعˇ نام، پرانتز، آرگؤمان يا وؤرؤدي و دۊنقطه أيه.
• with کئ منابعˇ مؤديريت کؤدنˇ وأسي أستفاده به.
• break کئ حلقه يا while دۊرۊن نيويشته به و حلقهٔ کؤلاً قطع کؤنه.
• countinue کئ أدامه دئنˇوأسي أستفاده به.
• del کئ مؤتغيره نامˇ حذف کؤنه.
• pass کئ يعني هيچ کاري نؤکؤن.
• assert کئ ديباگ کۊدنˇوئسي أستفاده به.
• yield کئ به‌جاي return أستفاده به؛ أن واژه return برعکس، تابعˇ قطع نؤکۊنه.
• print کئ پايتؤن ۳ مئن تبديل به print() تابع ببست. ايته واژهˇ خرۊجي مئن نمايش دئه.
• import کئ ايته ماژول (آماده کؤد)ˇ بئ کؤد وارد کۊنه.
• return کئ ايته مقدارˇ تابع مئن وگردأنه.

أن دستۊران، به سي زوؤن تبديلˇ بيدي و کامپايل بيدي و أز أؤيه به کامپيوتر زوؤن، تبديلˇ بيدي و اجرا بيدي.

عبارتان

• =؛ کي ايته مقدار تعريف کۊدنˇوئسي أستفاده به. مثل x = 4 يا x = "name"
• ==؛ کي دۊتا متغيرˇ مۊقايسه کۊدنˇوئسي أستفاده به. مقدار True يا False وأگردأنه. <، >، >= و <= هم هتو؛ به‌ترتيب: پيله‌تر، کؤجي‌تر، کؤجي‌تر يا برابر، پيله‌تر يا برابر.
• and، or، not؛ منطقي عملگران نام دأريدي.
• خطي تابعاني کي lambda نام دأريدي و return نأريدي.
• پايتؤن، ليست و تاپلˇ سوا دأنه. ليست ايته مجموعه از مقداران أيسه؛ مثل [1, 2, 3] يا [0, "x", None] أما تاپل، کي ليستˇمئنسن ولي پرانتزˇأمره تعريف به، قابل تغيير نيه.

مؤتغیران

پايتؤن مئن تأنيم مؤتغير چأکؤنيم؛ يعني أيته شيء کي مقدار دأره. مثلاً عبارت:

x = 5

يعني مؤتغير، x نام دأره و أنˇ مقدار، پينج أيسه. تأنيم اعشاري عدد يا متن هم مؤتغيرانˇ مئن قرار بديم:

x = 5 # integer number
y = 5.0 # float number
z = "5" # text or string

کي أنˇ مئن، به صحيحˇ عددان integer يا به‌أختصار int گيمي؛ به اعشاري عددان float گيمي و به متن string يا رشته يا به‌أختصار str گيمي. ورؤدي‌فيگيتنˇوئسي بايد مؤتغيرˇ مئن مقدار input وارد بؤکۊنيم کي ايته تابع أيسه.

x = input() # به طؤر خۊدکار، رشته يا استرينگ أيسه.
y = int(input()) # int() تابع أمره، أنˇر تعريف بؤکۊديم کي مقدار ورؤدي صحيحˇ عدد ببه.
z = float(input()) # float() تابع أمره، تعريف بؤکۊديم کي ورؤدي مقدار اعشاري عدد ببه.

اگر خأييمي کي أيته رائنما ورؤدي وأسين نمايش فده، بايد input() تابع دۊرۊن أيته رشته بئنيم و أونه مئن رائنماي بينيويسم.

تأنيم چنتا مؤتغيره، چنتا مقدار فديم أيته خطˇ دۊرۊن:

x , y , z = 1 , 2 , 3

f , g , h = 1 , 2 , 3

اگر خأييمي چنتا مؤتغيره أيته مقدار فديم أيته خطˇ دۊرۊن، اول مؤتغيرانˇ نامˇ و بعداً مقدارˇ نويسيم:

a = b = c = d = 1

a = b = c = d = 1