پؤرتۊغالي زوان
(مسير عوضاؤدن پؤرتغالي زوان أجي)
پؤرتۊغالي (پؤرتۊغالي: português) يا پؤرتۊغالي زوان (پؤرتۊغالي: língua portuguesa) ایته طبیعی زوان ایسه رۊمي زوانان ٚ خال ٚ جه کي أن ٚ بنه اۊرۊپا ايبري شبهجزيره-أ رسه. أن زوان تنا رسمي زوان پؤرتۊغال، برزيل، آنگؤلا، مۊزامبيک، گينه بيساؤ، ساؤتؤمه ؤ پرينسيپ، و کیپ ورد مئن[۱] ؤ ايته جه رسمي زوانان تيمور-لسته، اۊستوايي گينه و ماکائؤ مئن ايسه. پؤرتغاليزوانان -أ لۊسؤفؤن گيدي. پؤرتغال ٚ ايمپراتۊري استعمار ٚ وأسي، أ زوان ٚ گؤفتنکسان ؤ أ زوان ٚ محدۊده ويشتر بؤبؤست.[۲] پؤرتۊغالي ايته جه ايبرؤ-رۊمي زوانان ايسه؛ أ خانواده زوانان ٚ جه شأ ايسپانيايي، کاتالان، گاليسي، والنسيايي و آراگؤني نام بؤردن.
پؤرتغالي، بين ۲۱۵ تا ۲۲۰ ميليۊن نفر بۊمي گؤفتنکس دأره. ويشتر برزيل ٚ دۊرۊن جمعيت دأره و ايته جه ۱۰تا پۊرايستفادهترين زوانان آفريقا مئن ايسه.
