لانا دل ری
| لانا دل ری | |
|---|---|
_(53765476960)_(cropped).jpg) لانا دل ری، ۲۰۲۴ | |
| أصلي نام | الیزابت وۊلريج گرنت |
| ميلليت | آمريکايي |
| متولد | ۱۸ جۊن ۱۹۸۵ نيۊیؤرک، آمريکا |
| کار | خانشگر، ترانهسرا |
| کار گۊدن ٚ سالان | ۲۰۰۵-هأسأ |
| همسران | جرمي دۊفرن |
| وبجيگا | http://lanadelrey.com/ |
ایمضا  | |
الیزابت وۊلريج گرنت (اينگيليسي: Elizabeth Woolridge Grant؛ زادهبی ۲۱ ژوئن ۱۹۸۵)، گه لانا دل ری ٚ نام ٚ أمرأ مشهۊره (اينگيليسي: Lana Del Rey)، ایته آمریكايي خانشگر ؤ ترانهسرا ایسه. اۊن ٚ مۊزيک ٚ سبک، خۊ غمگين ٚ عاشقانه مضامين، زرق ؤ برق، مالیخؤلیا، ؤ آمريکا ۱۹۵۰ ؤ ۱۹۶۰ دههئان ٚ فرهنگ ٚ ارجاعات ٚ وأسي، توجه جلب بۊگۊده. ورایتی اۊن-أ ايته جه «بیس ؤ یکؤمي سده ٚ تأثيرگۊذار ٚ خانشگران ؤ ترانهسرایان» نام بؤبؤرده. ۲۰۲۳ سال ٚ مئن، رؤلینگ استؤن دل ری-أ تاريخ ٚ ۲۰۰ته پیله خانشگران ٚ ليست ٚ مئن بنأ ؤ بریتانیا ٚ رؤلینگ استؤن اۊن-أ آمريکا أولي پيله ترانهسرا بیس ؤ یکؤمي سده مئن نام بنأ. اۊن ٚ افتخارات ٚ جه، دوته بریت ٚ جایزه، سۊته امتيوي مۊسيقي جایزه، ایته ستلایت ٚ جایزه، ۱۱ نامزدي گرمي مراسم ٚ دۊرۊن، ؤ ایته نامزدي گؤلدن گلؤب دۊرۊن-أ شأ نام بؤردن.
لانا دل ری نيۊیؤرک ٚ آپاستیت ٚ مئن پيله-أ بؤسته ؤ ۲۰۰۵ سال ٚ مئن نيۊیؤرک ٚ شأر-أ واگردسته تا خۊ مۊسيقي کار-أ شۊرۊع بۊکۊنه. چنته پرؤژه پسي، اۊن خۊ أولي ايستؤديؤيي آلبۊم-أ لانا دل ری ٚ نام ٚ أمرأ مۊنتشر-أ گۊده گه اۊن أولي آهنگ ويدئؤ گيمز نام دأره ؤ ۲۰۱۱ سال ٚ مئن محبۊب بؤبؤسته. لانا هۊ سال اینترسکؤپ ريکؤردز ؤ پالیدؤر ريکؤردز ٚ أمرأ قرارداد دوست. Born To Die اۊن ٚ دۊوؤمي آلبۊم بۊ گه ۲۰۱۲ مۊنتشر-أ بؤسته ؤ Summertime Sadness أ آلبۊم ٚ معرۊف ٚ تکآهنگ ايسه. لانا سوؤمي آلبۊم Ultraviolence نام دأره گه ويشتر گيتارمحور ايسه ؤ بيلبؤرد ۲۰۰ جدول ٚ أولي رۊتبه-أ فأرسه. دل ری ۲۰۱۵ سال ٚ مئن Honeymoon ؤ ۲۰۱۷ سال ٚ مئن Lust for Life آلبۊمان-أ مۊنتشر-أ گۊده گه ويشتر اۊن ٚ أولي آهنگان ٚ سبک ٚ أمرأ شباهت دأشتي. لانا ۲۰۱۹ مئن Norman Fucking Rockwell! آلبۊم ٚ أمرأ گه سافتراک ٚ سبک ٚ مئن بۊ سال ٚ آلبۊم ٚ گرمي جایزه ره نامزد بؤبؤست. لانا بأزين ۲۰۲۱ سال ٚ مئن دۊ ته آلبۊم چأگۊده گه Chemtrails over the Country Club ؤ Blue Banisters نام دأرده ؤ ۲۰۲۲ سال، Snow on the Beach آهنگ ٚ مئن تیلؤر سۊئيفت ٚ أمرأ ايلجار بۊگۊده. دل ری ٚ نؤهؤمي آلبۊم Did You Know That There's a Tunnel Under Ocean Blvd نام دأره گه ۲۰۲۳ مئن بيرۊن بأمؤ ؤ ايواردئه سال ٚ آلبۊم ٚ گرمي جایزه وأسي نامزد بؤبؤسته. دل ری ۲۰۱۳ مئن مۊزيکال ترؤپيکؤ پاچ ٚ فئلم-أ چأگۊده ؤ بأزين أورنا ؤ زيبا آهنگ-أ پيله گتسبي فئلم ٚ وۊسي چأگۊده. اۊن هأتؤني پيله چۊمان ٚ آهنگ-أ ايته فئلم ٚ ره هأ نام ٚ أمرأ مۊنتشر-أ گۊده ؤ گؤلدن گلؤب نامزد بؤبؤسته. یۊنيورسال ٚ شرکت اعلام بۊگۊده گه لانا تا هأسأ ويشتر جه ۴۱ ميليۊن نۊسخه آلبۊم-أ دۊنیا مئن بۊفرؤخته.