قالب:ویکیپدیا:دؤجین‌ببؤ وانیویس/۲۰۱۵/۰۷

Wikipedia جي

یولیسیس گرانت

يوليسيس سايمن گرانت (1885-1822 م. 1459–1396 گیلکی) آمريكا هیجدهؤمی رئيس‌جؤمور بو. گرانتˇ اصلی نام هيرام بو. اون 27 آوريل 1822 اؤهايؤ مئن ايتا سوتالˇ كؤگا مئن بيچه ببوسته. اونˇ پئرˇ نام جئس روت گرانت و اونˇ مارˇ نام حنا سيمپسون بو. گرانت 22 آگوست سال 1848 جولی دنتˇ امره ازدواج بوگوده.

اون خو جوانی زمات بشؤ حشرومايه‌دار (ارتش)ˇ دورون و آمریکا و مکزیکˇجنگˇ مئن خدمت بگوده و آمریکا داخلی جنگˇ مئن آمريكا چكنه بوبوسته و شا گوفتن كی ا جنگˇ دورون، پيله نقش آمريكا پيروزی مئن داشتی. سال 1864، اؤرلندˇ عملياته ضدˇ نسايیئن سراگيفته كی ايتا خونی و چتين عمليات بو و پور كسان بكوشته بوبوستيد. گرانت بِتانسته شورشيانه دشكنه و اوشانˇ پايتخت، ریچمونده بنه‌بر (موحاصره) بکونه و بگیره و ژنرال رابرت لی نسايیئنˇ چكنه، ژنرال گرانته تسليم ببؤسته و آپوماتوكس دادگاه مئن دادگاهی بوبوسته. ژنرال گرانت ايتا جؤموری‌خا بو و خوره رياست‌جؤموری واستی كانديد بگوده و سال 1868 م آمريكا رئيس جؤمور ببوسته و سال 1872 هنده دؤجين ببوسته. اون خو رياست جؤموری مئن، پانزدهؤمی لايحه (سياهانˇ حقˇ رای) کؤنگره مئن تصویب بگوده و سياهانا حقˇ رای فدا. و هتويی كوكلاس كلانˇ تشكيلاتˇ امره مقابله بوگوده و اوشانˇ تشكيلاته فگوردانه.

گرانت آمریکا تاریخ میان ،ایتا آدم و شخصیت دوگانه و مرموز ایسه. جوانی میان هم خو شغل و کار سر و هم حشرومایه دار میان ناموفق بو. ولی آمریکا داخلی جنگ میان ، طی چهارسال بِتنسته بوجورترین سطح فرماندهی ، آمریکا مایه دار میان فرسه و آمریکا مایه دار چکنه بوبوسته. و سال 1865 میان آمریکا گرانتˇ رهبری امره بِتنسته شورشیان دَشکنه و جنگ دورون پیروز بوبوسته. گرانت دو دوره آمریکا رئیس جومور بو و پور مورخان بوگوفتید کی اونه ریاستˇ دوران ، فاسدترین دوره آمریکا تاریخ میان ایسه. ولی گرانتˇ معاصرانˇ نظر و همچنین خود گرانتˇ خاطرات دورون کی بینیویشته ، شأ گوفتن گرانت دارای شخصیت قوی و موحترم ایسه...دومباله