قالب:ویکیپدیا:دؤجین‌ببؤ وانیویس/هفته‌ی ۲۰۱۳/۸
لاجؤن یا لایجؤن یا لاجان یک‌ته خؤروم و قشنگˇشهرˇاسمه، گیلانˇ مئن. ای شهر، کوهپایه‌ئنˇ مئن هننأ و اونˇ چیی باغؤن معروف ایسسن. امما لاجؤنˇ قشنگی خالی اینˇ کوه و سرسبزی شی نیه. لاجؤنˇ خؤنهٰ‌ن نی ای شهره خؤرومأ گودن.
لاجؤن، کلسیا طرفˇ جی کاسپین دریا خؤنه، خورتابˇ جی لنگرودˇ همأ همسایه ایسسه، نسا طرفأ جی دیلمانˇ همأ و افتؤزردی طرفˇ جی‌ام اسسؤنه همأ همسایه ایسسه. ای شهرˇ جوغرافی مقر ایسسه: خورتابˇ 50 درجه و کلسایˇ 37 درجه و 11 دئقه. کشوری تقسیماتˇ مئن، لاجؤن، گیلانˇ اوستانˇ مئن و ایرانˇ کلسیا طرف هننأ.
سال 1580، لاجؤنˇ جمعیت 72950 نفر بو. ای شهر، گیلانˇ روخونه‌ٰنˇ روتˇ سر بنا ببؤ.
لاجؤن(شهرستان) دوتته شهر دأنه که رودبنه و مرکزی ایسسن و دوتته بخش و هف‌ته دهستان دأنه به ای نامؤن: رودبنه، شیرجؤپوشت، آهیندان، بازکیئگوراب، لفمجؤن، لیلسسان و لَیل. لاجؤنˇ شهرستان، 1580 آمارˇ جی، 162898 نفر جمعیت دأنه.
ای شهرˇ مردوم گیلک ایسسن و ایشؤنˇ زوؤن گیلکی یه. لاجؤنی‌ئنˇ گیلکی، گیلانˇ افتؤورس و مرکزˇ گیلکی همأ اننی فرق دأنه. لاجؤنˇ آب و هوا نی مرطوب و خوبه و اونˇ کوه‌پایه‌ٰنˇ هوا سرده.