فرانسه سۊوؤمي جؤمۊري
| فرانسه جؤمۊري République Française فرانسه |
||||
|---|---|---|---|---|
|
||||
| ميللي شعار: رهايي، برابري، براري | ||||
 فرانسه سۊوؤمي جؤمۊري ٚ نخشه اۊرۊپا مئن، أولي جهاني جنگ ٚ زمات
|
||||
 فرانسه سۊوؤمي جؤمۊري ٚ نخشه دۊنيا مئن؛ پؤررنگ ٚ آوي: فرانسه مترؤپؤل، کمرنگ ٚ آوي: فرانسه ٚ مؤستعمرات
|
||||
| مرکز | پاريس | |||
| رسمي زوان | فرانسوي زوان | |||
| دين | کاتؤليک ٚ کليسا
کالوينيسم لؤتريانيسم جهۊديت |
|||
| حکۊمت ٚ نؤع | پارلماني جؤمۊري | |||
| حاکمان ٚ نام | آدؤلف تير (أولي) آلبر لؤبرن (آخري) | |||
| - | أعلا مجلس | فرانسه ٚ سنا مجلس | ||
| - | سفلا مجلس | فرانسه ٚ عمؤمي مجلس | ||
| پۊل ٚ واحد | فرانسه فرانک | |||
.svg)
فرانسه ٚ سۊوؤمي جؤمۊري (فرانسوي زوان: Troisième République) به فرانسه ٚ حکؤمت ج ۱۸۷۰ ٚ ۴ سپتامبر تا ۱۹۴۰ ٚ ۱۰ ژؤئيه گيدي کي دۊوؤمي جهاني جنگ ٚ مئن أز بين بۊشؤ.
أ جؤمۊري ٚ أولي رۊزان، ويشتر آشۊب بۊ؛ فرانسه و پرۊس ٚ جنگ ٚ وأسي ۱۸۷۰ تا ۱۸۷۱ ٚ مئن کي سۊوؤمي ناپلئؤن ٚ سقؤط ٚ پسي، أ جؤمۊري به اون ادامه بده. أ جنگ باعث ببست کي فرانسه، آلزاس بؤجۊز تريتؤآر دؤ بلفؤر ٚ و ني لؤرن-أ فأده به پرۊس. هن باعث ببست ايته شۊرش اتفاق دأکفه و پاريس ٚ کمۊن ايجاد ببه. پرۊسيان ني فرانسه عليه غرامت بنأييد. أ جؤمۊري ٚ أولي دؤلتان، سعي بۊکۊديد پادشائي-أ دۊباره به فرانسه وأگردأنيد، ولي نتأنستيد شخصي پيدا بۊکۊنيد کي پادشائي وأسين شايسته ببه. أ جؤمۊري بهعؤنوان أيته مؤوقت ٚ جؤمۊري ايجاد ببسته بۊ، ولي چؤن نتأنسيتد ايته پادشا انتخاب بۊکۊنيد تبديل ببست به ايته دائمي حکؤمت.
أ حکؤمت ٚ أساسي قانۊن، سال ۱۸۷۵ ٚ مئن تدوين ببست. أ سامان دۊته مجلش دأشتي، ايته عمۊمي مجلس و ايته سنا مجلس کي رييسجؤمۊر تأنستي سنا تأييد ٚأمره، عمۊمي مجلس-أ مؤنحل بۊکۊنه. سنا ۳۰۰ته عؤضو دأشتي کي أيچارۊم ج اوشن، تا أبد خۊشن ٚ مقام ٚ مئن مأنستيد.
أولي رييسجؤمۊر مارشال مکماهؤن نام دأشتي. ولي تا هۊ زمات، جؤمۊريخائان، پادشائيخائان و کليسا مئن وؤجؤد دأشتي و جؤمۊريخائان سال ۱۹۰۵ ٚ مئن، به خۊ دۊشمنان پيرۊز ببستيد و ه سالان ٚ مئن بۊ کي جؤمۊري فرانسه مئن تثبيت ببست.
أولي جهاني جنگ کي شرؤع ببست، آلمان ۱۹۱۴ مئن ج بلژيک به فرانسه حمله بۊکۊد. أ جنگ، فرانسه مئن تلفات زياد دأشتي؛ حدؤد ۱٬۳۷۵٬۰۰۰ نفر بمؤرديد و ۵۳۷٬۰۰۰ نفر أسير يا گۊم ٚ بستيد. أ جنگ، ۱۹۱۸ مئن تمام ٚ بست.