قزوين ٚ اۊستان

قزوین اوستان

قزوین اوستان

قَزوین ايتأ جه ايران ٚشهران ايسه کي قزوین اۊستان مرکز ميئن قرار دره. أ شهر ٚبۊلندي دريا جه ۱۲۷۸ متر ايسه. أ شهر ساسانیان زمات، بنأ بۊبۊسته و شاپۊر ذوالکتاف دستۊر أمرأ رؤنق بيگيفته. قزوين، صفویان ٚپادشاهي زمات، ۵۷ ساله ره ايران ٚپايتخت بۊبۊسته و ههنه واٰستي قديمي مکانان زیاديأ شأ أ شهر میئن دِئِن. سعدالسلطنه کاروان سرا، میمۊن قلعه، حمام قجر، پيغمبريه، سردار ٚآب انبار، چهل ستۊن ٚکاخ، امام زاده حسين، خيابان سپه (اولين خياباني که ايران ميئن چاکۊده بۊبۊسته)، جه دِئباره مکانان أ شهر ايسيد. قزوين ميئن خۊش نيويسي هۊنر، پۊر رائج ايسه و جه خۊش نيويسان مۊهم أ شهر تأنيم به مير عماد قزويني ايشاره بۊکۊنيم. قزوين ميئن ۲۵۰۰ هکتار باغستان و باراجين ميئن هم ۱۴۰۰ هکتار بۊستان نأهأ و هنه واٰستي قزوین سال ۱۳۹۲ توسط ريئيس جۊمهۊر و سازمان حفاظت محيط زيست، شهر پاک ايران نام گۊذاري بۊبۊسته قزوين ميئن زوانان فارسي، تاتی، گیلکی و آذری رایج‌ ايسه. جه سؤغاتان أ شهر تأنيم به پسته، باقلوا و انواع شیریني سۊنتی متنوع مثل باقلوای لوزی، باقلوای پیچ یا گل رز، شیرینی پادرازی، نان نخودی قزوین (شیرینی نخودی)، نان چرخی، نان برنجی (شیرنی برنجی)، نان بادامی قزوین (شیرینی بادامی)، شیرینی اتابکی (شیرینی ولیعهدی)، نان قندی (شیرینی قندی)، نان نازک (نازک پسته‌ای) ايشاره بۊکۊنيم.