جنگلئن
گيله‌مردؤنی بؤن کی اوّلی جنگ جهانی زمات، وختی روسؤن دکالسن گيلان مئن و اونه اشغال بکودن و تهران ِ حوکومتأ نی هيچ کاری نوکود، چون خاستن اجنبی‌ئنه خوشؤن مملکت جی تودأن بيرين و مرکزی استبدادِ امره نی موبارزه بکونن، دکتن گيلان ِ جنگلؤن ِ مئن و توفنگ و فشنگ اوسادن و چون ايشؤن ِ جاجيگا جنگل بو، ايشؤنه دخاندن: جنگلی ؤ ايشؤنˇ جۊمبشه دۊخؤندن جنگلˇ انقلاب.
جنگلیئن ِ رهبر ميرزاکوچی‌خان بو.
جنگلیئن کسن امره وعده بنأ بون کی تا زماتی کی اجنبی‌ئنه خودشؤن ِ خاک ِ جی بيرين توندأن و استبداد ِ بونهٰ دنخوشکانئن، خودشؤن ِ مو و ريشه کوتا نکونن. هين ِ واسی ايشؤن ِ مو و ريش بولند بو.
جنگلیئن ميرزا رهبری امره، خوشؤن کاره 1489 گالشی سال (1294 هجری شمسی) سراگيتن و هف سال بازون، جنگل ِ انقلاب، شکست بوخورده. امّا ای ميانه، ميرزا و اين ِ رفئقؤن موفق ببؤن کی گيلانِ مئن سلطنته لَغوْ بکونن و گیلانˇ شؤرایی جؤموری‌يه اعلام بکونن. یکشنبه روج، ديا ما 28، 1494 گالشی سال (١٦ خرداد ١٢٩٩ خورشیدی) جنگلیئن ایرانˇ سورخˇ انقلابˇ کومیتهٰ تشکیل بدأن. ای کوميته سلطنته لغو بئوده و گيلان مئن جؤموری اعلام بئوده.