توسه
Tuse (alnus)
tuskä je tund ruşd, buland o sanati şumälə jangalonə där isə kə duttə unə maruf gunə yaani qəşläqi tuskä o yeyläqi tuskä, i mantaqe şi isan. i däronə meen nar o mäddə gulon, itə därə meen hannan ammä je yekdigar judä isan. gulon, bahman o isfand mä meen, valgon hani dar numan, dar hanan.
meevan, siyä rang o çubi o kuştay maxrut daanan kə işonə andäzə je da tä donza säntimetr kamtarə. maxruton viştar çantəi itə xälə meen daran. har itə maxrut çantə bazr xuşə amrə danə. meevan kə bazr daanan, tousanə aväxir o paizə sar puçanan o je däron jir kalnan. meevan, viştar äbonmä meen kalnan. meevanə pus, u zamat kə xuşə namə je das deenə, xuşka banə o doonan je uşon judä banan. فاىل:Tuska dare makhrut.gif bazron kuştay o barräq qahvei rang fanduqə isan kə işonə andäzə 2.5 säntimetr tul o 2 säntimetr arz o 0.7 milimetr qutr isə. har i kilu bazr panjähizär tä şashizär päkə doonə daanə. bazronə das ardanə vasi şaanə meevanə äbonmä meen je galə sə fiçen yä därə xälonə faläkanen o yä hito je xälon çen. itə sädə bujäri amrə şaanə bazronə je işonə pus judä vägudan. i däron je da yä ponza säli pasi bär deenan o har çan säl i bär viştar bazr deenan kə işonə säliyäne bazr dehi dourə, har gunə o har zaminə sar farq koonə kə tinə yak tä çär säl babi. bazronə nämiyə quvvə kam isə o şa gutan hodudə si darsad isə o bazonə umram du tä su säl isə. xujirtar käştanə vasi vä je täzə bazron istəfädə gudan. bazron timärə xässi naxanan o bazronə da tä ponza ruj ouə meen daxisonen yä sardə esträfikäsiyun işonebə vassə. bazronə daştanə vasi, çun uşon riz isan, vä je dar dabastə zarfon istəfädə gudan.
