بۊسا شۊرش

بۊسا شۊرش (۱۴-۱۶ آپريل ۱۸۱۶)، ايته شۊرش بۊ کي معرۊف ايسه به پيله‌ترين شۊرش باربادۊس ٚ مئن. أ شۊرش ٚ نام، ج اون ٚ رئبر بيگيفته بئسته کي ايته آفريقايي‌تبار ٚ برده بۊ. أن شۊرش تقريباً دۊ رۊز طۊل بکشه و خيلي سريع توسؤط بريتانيا نيروئان سرکۊب ببست. أن شؤرش، أولي ج سۊتا پيله شۊرش بريتانياي مۊستعمرئان کارائيب ٚ مئن بۊ. اون ٚ پسي، دمارارا شۊرش سال ۱۸۲۳ مئن و باتيست ٚ جنگ جامائيکا مئن رؤخ بده کي درنهايت مؤنجر به بردئان ٚ آزادسازي ببست.

پيش‌زمينه

باربادۊس أيته ج مؤهم‌ترين مراکز أقتصادي کارائيب ٚ مئن بۊ کي بردئان ج برده ساحل يا غنا، به أويه بؤرده بستيد کي اينگيليسيان ٚ وأسين کار بۊکۊنيد يا ج باربادۊس، بيشيد به گۊيان يا جامائيکا. بردئان ٚ قيام، آپريل مئن سال ۱۸۱۶ شکل بيگيفت کي فردي به‌نام بۊسا أون ٚ أصلي رئبر بۊ. بۊساي منشأ مشخص نيه؛ أحتمالاً ج کؤرؤمانتيان يا ايگبؤئان بۊ کي هردۊ قؤم، آفريقا شينيد. أ شۊرش، ببست أيته أنگيزه بريتانيا وأسين کي بردئان ٚ کارائيب ٚ مئن، سال ۱۸۳۳ مئن رها أعلام بۊکۊنه.

شۊرش

بۊسا تنديس، باربادۊس ٚ مئن

أ شۊرش، زماني أتفاق دکفت کي بريتانيا ٚ مجلس، طرحاني بررسي کۊدندوبۊ کي بردئان ٚ حقۊق ٚ أبچه ويشتر بۊکۊنه. وختي أ طرحان تصويب نبستيد، بردئان دس به شۊرش بزأئید.

ج بۊسا ٚ مۊتحدان، به أشن شه أشاره بۊکۊد:

• جؤزف پيت واشنگتؤن فرانکلين (أيته رها آدم)
• جان گريگ و ناني گريگ (برده)
• جکي (أي أرابه‌ران)

أ شۊرش، چنتا شکر مزرعه مئن أتفاق دکفت. تا ۱۸۱۶ فوريه مئن، بۊسا کي أيته آفريقايي رأئنده بۊ، تأنستي أ شۊرش ٚ رئبري بۊکۊنه. أوشن، تصميم بيگيفتيد شۊرش ٚ آوريل ۱۴ مئن (عيد پاک) شرۊ بۊکۊنيد. أ شۊرش تنا دۊ رۊز وعد، سرکۊب ببست.