ايران ٚ بيدۊق
أيرانˇ بيدۊق، ايته بيدۊق سه‌تا رنگˇأمره أيسه کي سه‌تا اؤفؤقي نوار هم‌أندازه به سبز و سيفيت و سۊرخˇ رنگان دأره و أنˇ مئن أسلامي جۊمۊريˇ نماد وجۊد دأره؛ سيفيتˇ نوار مئن. ۲۲تا «الله اکبر» به‌رنگ سيفيت، و به‌نشانه انقلاب ۲۲ بهمن، سبزˇ نوارˇ بيجير و سۊرخˇ نوارˇ بؤجؤر أيسه. أسلامي جۊمۊريˇ نماد، ترکيبي از اللهˇ واژه و لا اله الا اللهˇ جؤمله أيسه کي أيته از أسلامي شۊعاران أيسه.
أيرانˇ شاهانˇ بيدۊق (کي أشنˇ درفش گؤفتيدي) تغييرات زياد بدأشته. هخامنشيانˇ دؤران، شهباز درفش دأشتيم کي أيته پرنده با بازˇ بالان و أيته گردˇ خۊرشيد أنˇ پۊشت بۊ. گيدي اشکانيانˇ دؤران أيته بيدۊق خۊرشيدˇ نمادˇأمره أستفاده بئستي. ساسانيانˇ دۊران از کاوياني درفش أستفاده بئستي کي چأرگؤشه بۊ و أيته پايه‌رو حملˇ بئستي. أنˇ حاشيه سۊرخ بۊ و أن دۊرۊن بنفش بۊ؛ و أيته زردˇ دايره أن وسط بۊ کي چأرتا زرد خط أنˇ اطراف بۊ.
أسلامˇ دؤران، اؤمويانˇ بيدۊق کي سيفيت بۊ و عباسيانˇ بيدۊق کي سياه بۊ أستفاده بئستي. سبز و سيفيت هم علويان و مصرˇ فاطميانˇ بيدۊق بۊ کي شيعه بيد و ايرانˇ شورشيانˇ مئن طرفدار دأشتي. از سدهˇ نؤهؤم، شير و خۊرشيد أيرانˇ مئن طرفدار پيدا بۊکۊد. قاجار دؤران مئن أيته شمشير، شير دستانˇ مئن أضافه بئست و تا ۱۳۵۷ انقلاب وجود دأشتي.
.svg)
