ایمامعلی حبیبی

امامعلی حبيبی، 1505 ديلمی، درزی‌کلا مئن به دونيا بومأ. درزی‌کلا، بابل ِ تابع ايسه، مازندران مئن. جوان کی بو، هم قائم‌شهر ِ شهرداری مئن کار گود و هم کوشتی ره تمرين کود. بازون بوشو تهران و حبيب‌الله بولورچی دس جير، کی يه‌ته معروف موربّی بو کوشتی مئن، خو تمريناته ادامه بدأ. تا سال 1956 ميلادی (1530 ديلمی) ايران ِ اولمپيک ِ تيم، هيچ رشته‌ای مئن طلا مدال هنگيته بو. حبيبی، ملبورن ِ مئن، خو طلا مدال ِ امره ای طلسمه بشکنه (1530 ديلمی). او زمات جی به بعد، هم مردوم و هم مطبوعات، اونه دخاندن: ببر مازندران. هو ملبورن ِ اولمپيک مئن، ايران ِ دوّمين طلا، تختی ببورده. 1959، 1961 و 1962 جهانی موسابقؤن ِ مئن نی، حبيبی طلا بأرده. 1961 جهانی موسابقه، ژاپون ِ يوکوهاما مئن بو کی ايران اوّلين بار جهان ِ کوشتی آزاد مئن اوّلا بو. 1959 ميلادی (1533 ديلمی)، جهانی موسابقؤن مئن، حبيبی، وکز واختانگ بالاوادزه (روس) و اسماعيل اوغان (تورک) کی هردوتا جهان مئن قهرمان بؤنه 3 دقيقه مئن ضربه‌فنی بئوده. 1578 ديلمی، شرير ِ ما سوّم، ژانويه هفتم، جهان پهلوان تختی درگوذشت ِ روج، ای دو ته اسطوره واسی (حبيبی و تختی) يه‌ته تمبر چاپ بوبؤ. اماعلی حبيبی، چهارته فيلم مئن نی بازی بئوده: جهنم سفيد (1542)، ببر مازندران (1542)، رام کردن مرد وحشی (1544) و آدم و حوا (1544).