کوروش بزرگ

پيله كوروش هخامنشی سلسلهٰ ايرانِ بنا گوده. ايتا از پيله پادشاهن ايران باستان بو كه هخامنشيان فرمانروايي پايه گذاري بوگوده. هرودت يوناني تاريخنگار بنيويشته كوورش كمبوجيه پسر كوچي شاه پارس و اونه مار ماندانا آستياگ دختر بو.

كوروش بتنسته آستياگ جنگ دورون شكست بده و اون تاج و تخت بدست باوره. هرودت اضافا كونه كه كرزوس، ليدي پادشاه كه آستياگ اون زاما بوستي وختي كوروش پيروزي آگاه بوبوسته تصميم گيره به كوروش فرمانروايي فوتورك زنه ولي كوروش اون شكست ده و شهر سارد، ليدي پايتخت محاصره و سرانجام به چنگ آوره كوروش، كرزوس امره به نرمي رفتار و اون از خو نزديكان بوگود. و ايتا از خو سرداران اوسي بوگود به يونان شهران. كوروش با اضافا كودن ليدي به خو امپراتوري خو چومان به سرزمين بابل دوزه كه اوضاع آشفته و نابساماني داشتي و خيلي از بايليان از خوشانه پادشاه كه نبونيد نام داشتي دل خوشي نشتيد كوروش در سال 537 پ.م به بابل فوتورك زنه و ايپچه كله گيفتن بابل فتح كونه. بابل دورون هم كوروش خرم كاران زياد بوگود. يهوديان زندان دورون آزادا گوده، بابليان دين احترام بنه، خدايان جاجيگاه چاگود، وختي نبونيد بمرد اونه مراسم شركت و عزاي عمومي اعلام بوگود و خو اعلاميه حقوق بشر ايتا استوانه رو بنيويشته. بعد از بابل فتح، كوروش خو سپاه امره به شرق ايران شه تا مردومان بيابان گردكه ماساگت نام داشتيد سركوب بوكونه. سال529 پ.م درگيرودار كله گيفتن دو سپاه، كوروش ايتا پيشدار امره زخمي به و ميره. كوروش پيكر پاسارگاد دورون دفن كونيد. كوروش دو پسر داشتي پيله پسر كمبوجيه و كوچي پسر برديا، كمبوجيه جانشين كوروش بوبوسته. كوروش سه امپراتوري ماد، ليدي و بابل از بين ببرد. ولي تاريخنگاران اونه پادشاهي عادل و بخشنده شناسيد. پارسان كوروش خوشانه پر و يهوديان منجي دوخاديد.

هخامنشیان پادشاهان

هخامنشیان پادشاهان

کوروش بزرگ، کمبوجیه ، گئومات ، داریوش بزرگ ، خشایارشا ، اردشیر یکم (اردشیر درازدست) ، خشایارشای دوم ، سغدیانوس ، داریوش دوم ، اردشیر دوم ، اردشیر سوم ، ارشک ، داریوش سوم.