شلمؤن
| کۊللي ايطلاعات | |
|---|---|
| کيشور | ايران  |
| اۊستان | گيلان |
| شأرستان | لنگؤرۊد ٚ شأرستان |
| بخش | کۊمله بخش |
| رسمي نام | شلمان |
| محلي نام | شلمؤن |
| شأر بؤستن ٚ سال | ۱۳۴۱ |
| مردۊم | |
| جمعيت | ۵,۱۰۲ نفر (۱۳۹۵)[۱] |
| زوان | گيلکي |
| مذهب | شيعه |
| طبيعي جۊغرافي | |
| بۊلندي درىا جه | ۵- متر |
| باخي ايطلاعات | |
| سؤغات | بج |
| تيلفؤن ٚ پيش‌شۊماره | ۰۱۳ |
شٚلمؤن ایته جه گیلان ٚ شأران، لنگؤرۊد ٚ شأرستان ؤ اتاقور ٚ بخش ٚ مئن ایسه.[۲]
بر اساس ۱۳۹۵ سال ٚ سرایشماردن، شلمؤن ٚ جمعیت ۵,۱۸۴ نفر بۊ.[۳]
شَله‌مؤن رۊدسر – لنگؤرۊد ٚ ارتباطي مسير ؤ گیلان ٚ خۊرتاو ٚ دۊرۊن قرار بیگیفته. شله‌مؤن بالامحله، بيجارپشت محله، خالجير، سیدعلي کيا، قاضي محله ؤ شوره باغ (شروع باغ) ٚ محله‌ئن ٚ جه تشکيل بۊبؤسته دره.
نام[دچينواچين]
أ شأرˇ نام أول به صۊرت شَله مؤن بۊ ؤ یعني جيگايي کي اۊنˇ مئن شَلِه (اي نؤع جه أبريشم کرم) پرورش دهده ؤ مؤن ني مکان ؤ جيگا پسوند ایسه.
زوان ؤ مردۊم[دچينواچين]
أ شأرˇ مردۊم گیلک ایسده ؤ اۊشانˇ زوان ني گیلکی ایسه.
کيشاورزي[دچينواچين]
«بج» شله‌مؤنˇ کيشاورزي عمده محصۊل ایسه ؤ نؤغانداري ني اۊيه رؤنق خاصي دره. شله‌مؤنˇ أراضي جه نؤع گيلانˇ جیردي (جلگه‌اي) أراضي محسۊب به کي مناسب اقليمي شرایط، خۊجير خاک ؤ فراوان آو وأسي أیه ایته خۊرۊم جيگا کیشاورزي ره ايسه ؤ اۊنˇ زمينانˇ مئن اي سري محصۊلان بج، چئی، انواع سبزي، صیفي ؤ مرکباتˇ مأنستن کشت به. أ شأر مئن پيله وارش‌ئان شهریورˇ آخران ؤ پئیزˇ أوائل واره ؤ هأنˇ وأسي هر سال أ ماه‌ئانˇ دۊرۊن رۊخانان طغیان کۊنن کي باعث به کيشاورزي زمینان ؤ محصۊلان خسارت بيدينن.
شله‌مؤنˇ محلي بازار[دچينواچين]
أ شأرˇ دۊشمبه بازار ني، ويشتر جه ده سال ایسه کي دوشمبه رۊجˇ مئن ؤ باخي گیلانˇ محلي بازاران مأنستن أ شأرˇ مرکزˇ مئن برپا به. جؤز أ بازار، شله‌مؤنˇ دائمي بازار ني پۊر رؤنق دره ؤ کيشاورزان ايته بخش جه خۊشانˇ محصۊلان-أ هأ دۊکان‌ئانˇ جۊلؤب فرۊشده. أ بازارˇ مکان، شأرداري خيابانˇ جه اۊساده بۊبؤسته ؤ قاضي محله ورۊدي خيابانˇ أول-أ انتقال بيافته.
شله‌مؤنˇ دئني جيگایان[دچينواچين]
أ شأرˇ دئني جيگایانˇ جه شأ باغ فلات ؤ شله‌مؤنˇ رۊخان-أ ایشاره گۊدن. هأتو ني تۊتˇ باغان ؤ بیجاران ؤ امام زاده شاه اؤلیا جه باخي أ شأرˇ دئني جيگایان ایسن.
شله‌مؤنˇ رۊخان[دچينواچين]
شله‌مؤنˇ رۊخان، ألبۊرزˇ کۊهان جه سرچشمه گيره ؤ کۊه ؤ جيردي جيگایانˇ جه گۊذره ؤ آخرپسي ني کاسپينˇ گرˇ مئن فیوه.
أ رۊخان، شله‌مؤن-أ دۊ ته خۊرخۊسي ؤ خۊرتاوي منطقه مئن تقسيم-أ کۊنه. قاضي محله، سید علي کيا ؤ خالجير خۊرتاوˇ بخش، شأر مرکزي بازار، بيجارپشت محله ؤ بالا محله، خۊرخۊسˇ بخشˇ مئن نهأده.
پيشتر ماهي گيفتن ؤ مالايي ايته جه شله‌مؤن أصلي شغلان بۊ کي هأ شله‌مؤنˇ رۊخانˇ مئن أنجام گيفتي ولي أ رۊج‌ئان، ماهيانˇ گۊنه کم-أ بؤستن ؤ فقط اي سري محدۊد ماهيانˇ جه أ رۊخانˇ مئن پیدا بده، هأنˇ وأسي دئه أ رۊخانˇ مئن گاگلف ماهي گيرده ؤ هسأ ويشتر دئه ايته تفريحي حرکت ايسه تا ايته أصلي شغل.
شله‌مؤنˇ خشتي پۊرد[دچينواچين]
خشتي پۊرد، ايته جه أ شأرˇ قديمي بنایان ايسه کي شله‌مؤنˇ رۊخانˇ سر چأکۊده بۊبؤسته بۊ. أ پۊرد جه کي ظاهرا چار ته دهنه دشتي، آثاري پۊردˇ نسا ۱۰۰ متري مئن فأنرسه به شله‌مؤنˇ فۊتبالˇ زمين بيده به.
سربس[دچينواچين]
- ↑ https://www.amar.org.ir/english
- ↑ اطلس گیتاشناسی استان‌های ایران، تهران ۱۳۸۳خ.
- ↑ http://www.sko.ir/Sarshomari1390/Shahrhaye_IRAN.xls%7Cعنوان=نتایج سرشماری سال ۱۳۹۰ | ناشر =معاونت برنامه‌ریزی استانداری خراسان جنوبی (به نقل از مرکز آمار ایران) |تاریخ =۱۹ اردیبهشت ۱۳۹۲ |تاریخ بازبینی=۱۹ اردیبهشت ۱۳۹۲}}