حاجی آقا میر رشتی
حاج سید حسین موسوی رشتی مولقب بو به بحرالعلوم و معروف بو به حاجی آقا میر رشتی از علمای معروف گیلان بو در دوره مشروطیت . نام ببرده در دوره اوله مجلس شورای ملی که به صورت صنفی برگزار ببوسته. از طرف علما اوشانه نماینده ببوسته بو . ولی قلبن با مشوطه چیان همراه نبو.و با حاج ملا محمد خمامی( مجتهد مستبد معروف گیلان) و با شیخ فضل الله نوری (مجتهد مشروطه خواه پایتخت) ارتیباط داشتی . اون بعد از این که مجلس شورای ملی به دستور محمد علی شاه به توپ دوسته ببوسته بو به زیارت عتبات بوشوبو با خو ئیته از زاکان ، در موقع واگردسئن به گیلان توسط مشروطه خواهان در قزوینه میئن دستگیر ببوسته و بدون محاکمه و هیچ گونه دلیل موجهی اعدام ببوسته. تنها علت اعدام اون که شایع ببوسته بو ان بو که چو دکفتبو که اون از طرف محمد علی شاه بوشوبو نجف تا علمای نجفه بر علیه مشروطه تحریک بوکونه . ولی بعدا معلوم ببوسته که أ چو دوروغ بو.