اودا كوگا

اودا بيدوق

اودا كوگا (織田氏 ) ايتا جه ژاپوني اربابان بيد كه اوشانه پيله سياستن نقش ، ژاپون متحده گودن قرن 16 مئن بو. ولي اوشانه آوازه ويشتر واگرده به اودا نوبوناگا دوره وختي هم ميره اوشانه قدرت فوگورده. ولي هتويي اوشانه كوگا كه هش پركه بوسته بو ادامه پيداكونه ميجي دوره مئن.

گوذشته

اودا كوگا، نوبوناگا دوره مئن ادعا گوديد كه خوشانه تبار به تايرا كوگا فَرِسه، تايرا نو چيكازانه كه تايرا نو شيگه موري نوه بوستي (1138–1179). تايرا نو چيكازانه اوستان اچيزن مئن بِمانسته، و خو نامَ بنه اودا. اونه زاكان شيبا كوگا ورجا، پيله دوده و جير دستان بيد.

1452 مئن، وختي شيبا يوشيتاكه بِمَرده، شيبا كوگا جير دستان، اودا مَنَستن اوستان اواري مئن و آساكورا كوگا ، اوستان اچيزن مئن، جانشيني شيبا يوشيتوشي (1430–1490) ره مخالف بيد و شيبا يوشيكادو ( موردن 1480) ره پوشتيباني بوگوديد. و اربابان زمينان زيادي خوشانه مئن تقسيم بوگوديد. و نَم نَمي خوشانه زمين مئن مستقلَ بوستيد. 1475 مئن، اودا (كوگا) ويشتر اوستان اواري زمينانَ بدست بَورده بو. و شيبا يوشيكانه (1540–1600) كه خواستي خوشانه قودرَته دوباره بدست باوره، وادارَ بوسته اوراي جه بشه. معروف قَلائَن اودا، كيوسو قلا بو كه شيبا يوشيشيگه اونه چاگوده سال 1394 و 1427 مئن كه اودا كوگا ره فَدا. اونه نام اودا توشيسادا بو كه فرماندار معاون اوستان (اواري) مئن بوستي. توشيسادا چهارتا ريك داشتي، اونه چهارمي ريك، نوبوسادا قلا كاتسوبوتا مئن زندگي گودي كه نوبوهيده پئر و نوبوناگا پيله پئر بوستي.

اميره نوبوناگا

نوبوهيده سال 1525 مئن، ناگويا قلا ره خو واستي فَگيفته (1542 مئن بونوناگا ره فَدا) و فورو واتاري قلا خوره چاگوده، اودا نوبوتومو كيوسو قلا ورجا بوشو، خواستي خوره بِداره، ولي محاصره مئن سال 1555، اونه برار زا (نوبوناگا) كه ناگويا قلا يَه اداره گودي نوبوتومو يه كوشه. هتويي باعث بوسته كه اودا كوگا هش پركه به. تا زماتي كه نوبوناگا بِتَنسته اوستان اواريه متحدَ كونه. نوبوناگا ايتا پيله رقيب خو همسادن واستي بوبوسته . او بِتَنسته برخي خو پيله رقبيانَ، ايماگاوا، تاكدا، آزاي، آساكوراي مَنِستن و ... فوگوردانه. نوبوناگا ژاپون ميانيه خوره حكومت بوكونه. ولي نوبوناگا نَتَنِسته خو برنامانه ژاپون اتحاد واستي كاملَ كونه چون ايتا كودتا مئن كه آكيچي ميتسوهيده ايتا نبوناگا خلابران انجام بِده معبد هُوننو جي مئن ميره؛ سوپوكو كونه. (خوره كوشه). اَ ايتفاق تاوستون سال 1582 م دَكَفه.

اودا كوگا جه بعد نوبوناگا، اوشان قوردت ژاپون مئن فوگورده و بازون ايتا جه نوبوناگا اميران جير دست بئساييد كه اونه نام تويوتومي هيديوشي بو.

ادو دوره

هتويي نشان بده كه اودا كوگا جه بعد نوبوناگا موردن، تويوتومي هيديوشي دوده و جير دست بيد، ولي اوشانه سياسي كاران ژاپون مئن ناشناس بِمانسته، برخي شگون توگوگاوا، ياماموتو خلابر بوبوستيد و برخي خوشانه ارباب (دايميو - 大名 ) بِمانستيد.

زاكان

اودا كوگا زاكان، هسه زندگي كونيد ژاپونَ جنوب و جنوب غربي، و هتو تايوان ، فيليپين ، جنوبي كوره ، آمريكا و كانادا و اينگلستَن مئن

پيله كسان

• اودا چيكازانه (قرن 12 مئن]
• اودا نبوهيده (1510–1551)
• اودا نبوهيرو (موردن 1574)
• اودا نوبوناگا (1534–1582)
• اودا نوبويوكي (1536–1557)
• اودا نوبوكانه (1548–1614)
• اودا ناگاماسو (1548–1622)
• اودا نوبوهارو (1549–1570)

ناگويا قلا، بهار مئن

اودا قلائن

• ناگويا قلا
• كيوسو قلا
• آزوچي قلا

فگيفته بوسته

اينگليسي ويكي پديا ايله جار كونان