آكيرا كورو ساوا
آكيرا كوروساوا ( 黒澤 明) بزا بوسته 23 مارس 1910- بمرده 6 سپتامبر 1998 ژاپوني كارگردان، سناريو نويس ، تهيه كون كه سينما تاريخ مئن جه مهمترين و پيله كسان ايسه. كوروساوا سي تا فيلم چگوده، خو 57 سال زندگي هنري دوره مئن. كوروساوا سال 1936 مئن ژاپون فيلم چگوني صنعتَ واردَ بوسته. قبل ازون نقاشي دونبالَ گودي و چند سال كاگردان ياور بو و سناريو نيويشتي. دوم جهاني جنگ مئن، اولين بار سال 1943 كارگردان ايتا فيلم بوسته، ايتا اكشن فيلم كه اونه نام جودو افسانه بو. جنگ كه تومانه بوسته،كوروساوا فيلمِ دَگرا فيرشته چاگوده كه منتقدانَ خوش بَمو و اونه واستي دستكلا بزئيد (1948). كوروساوا اَ فيلمه مئن ايتا ناشناس بازيگرَ كه اونه نام توشيرو ميفونه بو اصلي نقشَ فَدا. هتويي كوروساوا، جوان فيلم چاگونان مئن، جا بيگيفته. اَ دو نفر (كوروساوا و ميفونه) 15 سينمايي فيلم مئن همديگر امره كار بوگوديد.[۱]
كوروساوا ژانران موختلفي رو فيلم چگوده و سال 1950 مئن راشامون كارگرداني بوگوده كه پيله موفقيت جهان مئن داشتي و بِتَنسته جايزه ونيز جشنواره بدست باوره و اولين بار بو كه خوجير ژاپوني سينمايَ اروپايئن ورجا نشان بدا.[۲]
فيلمان [دچینواچین]
- دَگرا فيرشته (1948)
- يله ور سگ (1949)
- راشامون (1950)
- هفت تا سامورايي (1954)
- دَپَركم زندگي مئن (1955)
- خوني تخت (1957)
- جلفان جير (1957)
- خَلابر (1961)
- سانجورو (1962)
- سورخ ريش (1965)
- كاگِموشا (1980)
- ران (1985)[۳]
